‘ബാലന്‍ അങ്ങനെ പറയില്ല പക്ഷെ, എസ്എഫ്‌ഐ തിരുത്തണം’; നിലപാട് ആവര്‍ത്തിച്ച് ബിനോയ് വിശ്വം

‘അങ്ങനെയൊന്നും ബാലന്‍ പറയില്ല. നിങ്ങള്‍ക്ക് ബാലനെ അറിയില്ല. എനിക്ക് ബാലനെ അറിയാം. ബാലന്റെ ഭാഗത്ത് നിന്നും സിപിഐയെക്കുറിച്ചോ എന്നെയോ കുറിച്ച് യാതൊരു പരാമര്‍ശവും ഉണ്ടാവില്ല. അതാണ് എ കെ ബാലന്‍-ബിനോയ് ബന്ധം. അതാണ് സിപിഐഎം-സിപിഐ ബന്ധം. അത് നിങ്ങള്‍ക്ക് ആര്‍ക്കും അറിയില്ല. എസ്എഫ്‌ഐ തിരുത്തണം. അവരുടെ ചോര കുടിക്കാന്‍ ഞാനും സമ്മതിക്കില്ല.’ ബിനോയ് വിശ്വം പറഞ്ഞു.

പുതിയ എസ്എഫ്‌ഐക്കാര്‍ക്ക് ഇടതുപക്ഷം എന്ന വാക്കിന്റെ അര്‍ത്ഥം അറിയില്ലെന്നും തിരുത്താന്‍ തയ്യാറാകണം എന്നുമുള്ള ബിനോയ് വിശ്വത്തിന്റെ വിമര്‍ശനത്തിനെതിരെ എ കെ ബാലന്‍ രംഗത്തെത്തിയിരുന്നു. ഇതിനോട് പ്രതികരിക്കുകയായിരുന്നു ബിനോയ് വിശ്വം.