എരുമപ്പെട്ടിയിൽ കാറും ബൈക്കും കൂട്ടിയിടിച്ച് പരിക്കേറ്റ് ചികിത്സയിലായിരുന്ന യുവാവ് മരിച്ചു. തിപ്പല്ലൂർ വീട്ടിൽ ജനാർദ്ദനന്റെ (കുട്ടപ്പൻ) മകൻ ജിജിൻ ലാലാണ് (25) മരിച്ചത്
തിങ്കളാഴ്ച വൈകീട്ട് 5.20ന് കടങ്ങോട് കാദർപടിയിലായിരുന്നു അപകടം. കടങ്ങോട്ടേക്ക് പോയിരുന്ന ബസിനെ മറികടന്നെത്തിയ കാർ എതിരെ വന്ന ജിജിൻ ലാൽ സഞ്ചരിച്ച ബൈക്കുമായി കൂട്ടിയിടിക്കുകയായിരുന്നു. ബൈക്കിൽ കൂടെയുണ്ടായിരുന്ന വൈശാഖും (25) പരിക്കേറ്റ് ചികിത്സയിലാണ്. വിദേശത്ത് പോകാനുള്ള മെഡിക്കലെടുത്തു വരുന്ന വഴിയാണ് അപകടമുണ്ടായത്.
ജിജിൻ ലാലിന്റെ മൃതദേഹം പോസ്റ്റുമാർട്ടത്തിനായി മോർച്ചറിയിലേക്ക് മാറ്റി. മാതാവ്: ബീന. സഹോദരങ്ങൾ: ജിബിൻലാൽ, ജിതിൻലാൽ.
