തിരുവനന്തപുരം: സംസ്ഥാന സർക്കാരുമായുള്ള പോരിനിടയിൽ ജിഎസ് ടി നിയമഭേദഗതി ഓർഡിനൻസിൽ ഒപ്പിട്ട് ഗവർണർ ആരിഫ് മുഹമ്മദ് ഖാന്‍. രാവിലെ മുംബൈയ്ക്ക് പോകും മുമ്പാണ് ഗവർണർ ഒപ്പിട്ടത് ഓർഡിനൻസിൽ ഒപ്പുവച്ചത്. ഒരാഴ്ച മുമ്പാണ് ഓർഡിനൻസ് അനുമതിക്കായി സർക്കാർ രാജ്ഭവന് കൈമാറിയത്.
അതേസമയം, വിവാദമായ ബില്ലുകൾ ഒപ്പിടാതെ ഗവർണർ രാഷ്ട്രപതിക്ക് അയച്ചിരിക്കുകയാണ്. ലോകയുക്ത ബിൽ, സർവ്വകലാശാല നിയമ ഭേദഗതി ബിൽ (രണ്ടെണ്ണം), ചാൻസ്‌ലർ ബിൽ, സഹകരണ നിയമ ഭേദഗതി ബിൽ, സേ‍ര്‍ച് കമ്മിറ്റി എക്സ്പാൻഷൻ ബിൽ, സഹകരണ ബിൽ (മിൽമ) എന്നീ ബില്ലുകളാണ് രാഷ്ട്രപതിയുടെ പരിഗണനക്ക് വിടുന്നത്. ഈ ബില്ലുകളിൽ തീരുമാനം വൈകിപ്പിക്കുന്നതിനെതിരെ സർക്കാർ സുപ്രീംകോടതിയെ സമീപിച്ചിരിക്കുകയാണ്.
