Entertainment
ഈ സന്തോഷത്തിന് പകരമായി സമ്പത്തോ പണമോ വരില്ല; കുറിപ്പുമായി കൃഷ്‌ണകുമാർ
യാത്രയ്ക്ക് വേണ്ടി സമയം കണ്ടെത്തുക.. കാരണം യാത്രയിൽ ചെലവഴിച്ച സമയം അപ്രത്യക്ഷമായാലും അതിൽനിന്നു സ്വരൂപിച്ച അനുഭവങ്ങളും പാഠങ്ങളും എന്നും നമ്മോടൊപ്പം ഉണ്ടാവുമെന്ന് നടനും ബിജെപി നേതാവുമായ കൃഷ്ണ കുമാർ. സോഷ്യൽ മീഡിയയിൽ പങ്കിട്ട കുറിപ്പിലൂടെയാണ് പരാമർശം.
കുറിപ്പിങ്ങനെ
യാത്രകൾ പണംകൊണ്ടു വാങ്ങാൻ കഴിയാത്ത അനവധി ഓർമ്മകളും അനുഭവങ്ങളും സമ്മാനിക്കുന്നു. ജീവിതത്തിന്റെ ഏത് ഘട്ടത്തിലും പണം സമ്പാദിക്കാൻ കഴിയുമെങ്കിലും, ഒരാൾക്ക്‌ ഒരിക്കലും തിരികെ ലഭിക്കാത്ത ഒന്നാണ് സമയം.. ഓരോ യാത്രയും, പഠനത്തിനും സ്വയം വളർച്ചക്കും ലോകത്തെ പുതിയൊരു കാഴ്ചപ്പാടിൽ കാണാനുമുള്ള അവസരങ്ങൾ നൽകുന്നു. പുതിയ സ്ഥലങ്ങൾ കണ്ടെത്തുക, പുതിയ ആളുകളെ പരിചയപ്പെടുക, ശാശ്വതമായ ഓർമ്മകൾ ഉണ്ടാക്കുക…. ഈ സന്തോഷത്തിന് പകരമായി സമ്പത്തോ പണമോ വരില്ല. അതിനാൽ, യാത്രയ്ക്ക് വേണ്ടി സമയം കണ്ടെത്തുക.. കാരണം യാത്രയിൽ ചെലവഴിച്ച സമയം അപ്രത്യക്ഷമായാലും അതിൽനിന്നു സ്വരൂപിച്ച അനുഭവങ്ങളും പാഠങ്ങളും എന്നും നമ്മോടൊപ്പം ഉണ്ടാവും
