തൃശൂര്‍:പാലിയേക്കര ടോള്‍ പ്ലാസയില്‍ പിന്നിലുണ്ടായിരുന്ന കാറിനെ മീറ്ററുകളോളം ഇടിച്ചുനീക്കി ലോറി. ടോള്‍ ഗേറ്റില്‍നിന്നും ലോറി പുറകിലേക്ക് എടുക്കുന്നതിനിടയിലാണ് സംഭവം. കാര്‍ യാത്രക്കാര്‍ തലനാരിഴയ്ക്കാണ് അപകടത്തില്‍ നിന്നും രക്ഷപ്പെട്ടത്. ഇന്നലെയാണ് അപകടം നടന്നത്.
പിഴ ഒഴിവാക്കാനായി ടോള്‍ഗേറ്റില്‍നിന്ന് ലോറി വേഗത്തില്‍ പുറകിലോട്ട് എടുത്തപ്പോഴാണ് അപകടം. ലോറി ഇടിച്ചതോടെ കാര്‍ യാത്രക്കാരന്‍ ഹോണ്‍ മുഴക്കിയെങ്കിലും ലോറി നിര്‍ത്തിയില്ല.
ഇരുവശത്തുമുണ്ടായിരുന്ന ആളുകള്‍ ബഹളം വച്ചതോടെയാണ് ലോറി നിര്‍ത്തിയത്. മുന്‍പും സമാനമായ രീതിയില്‍ ഇവിടെ അപകടം നടന്നിട്ടുണ്ട്.
