ഇടുക്കി: ഇടുക്കി മാങ്കുളത്ത് ബ്രേക്ക് നഷ്ടപ്പെട്ട മിനി ലോറി വിനോദ സഞ്ചാരികളുടെ കാറിൽ ഇടിച്ച് ഉണ്ടായ അപകടത്തിൽ അന്യസംസ്ഥാന തൊഴിലാളി ജയ് ഗോപാൽ മണ്ഡൽ (21) മരിച്ചു. ലോറിയുടെ പുറകിൽ നിൽക്കുക ആയിരുന്ന തൊഴിലാളിക്കാണ് ദാരുണാന്ത്യം സംഭവിച്ചത്.
ഒരു തൊഴിലാളിക്ക് പരുക്കേറ്റു. തമിഴ്നാട്ടിൽ നിന്നെത്തിയ വിനോദ സഞ്ചാരികളുടെ കാറിലാണ് ലോറി ഇടിച്ചത്. ഈ വാഹനത്തിലുണ്ടായിരുന്ന രണ്ട് സ്ത്രീകൾക്കും പരുക്കേറ്റു.
മരിച്ചയാളുടെ മൃതദേഹം മോർച്ചറിയിലേക്ക് മാറ്റി. പരുക്കേറ്റവർ ചികിത്സയിലാണ്.
