തിരുവനന്തപുരം: കേരളത്തിലെ എല്ലാ യൂണിവേഴ്സിറ്റികളിലും എകീകൃത അക്കാദമിക് കലണ്ടര് തയ്യാറായെന്ന് ഉന്നത വിദ്യാഭ്യാസമന്ത്രി ഡോ ആര് ബിന്ദു. എല്ലാ സര്വകലാശാലകളിലെയും ഒരു വര്ഷത്തെ പഠനവും പാഠ്യേതര പ്രവര്ത്തനത്തനവും ഏതാണ്ട് ഒരേ സ്വഭാവത്തിലാണ് തീരുമാനിച്ചിട്ടുള്ളതെന്നും മന്ത്രി പറഞ്ഞു. ഇരുപതാം തീയതിക്കുള്ളില് ബിരുദത്തിനുള്ള പ്രവേശനവിജ്ഞാപനം പുറത്തിറക്കും. അപേക്ഷകള് സ്വീകരിക്കുന്ന അവസാന തീയതി ജൂണ് ഏഴാണെന്നും മന്ത്രി പറഞ്ഞു. ജൂൺ 15നകം ട്രയൽ റാങ്ക് ലിസ്റ്റും അവസാന റാങ്ക് ലിസ്റ്റും പ്രസിദ്ധീകരിക്കും. ജൂലായ് അദ്യവാരത്തില് ക്ലാസുകള് ആരംഭിക്കാനാകും. എല്ലാ സര്വകലാശാലകളിലെയും രജിസ്ട്രാര്മാര് ചേര്ന്ന സമിതിയാണ് അക്കാദമിക് കലണ്ടര് സമയബന്ധിതമായി പൂര്ത്തിയാക്കിയതെന്നും മന്ത്രി പറഞ്ഞു
![](https://www.kottayammedia.com/wp-content/uploads/2024/08/achayans-gold-27-8-24.jpg)
നാലുവര്ഷ കോഴ്സില് മൂന്ന് വര്ഷം കൊണ്ട് ബിരുദവും നാലുവര്ഷം കഴിഞ്ഞാല് ഓണേഴ്സും ലഭിക്കും. മിടുക്കരായ വിദ്യാര്ഥികള്ക്ക് രണ്ടരവര്ഷം കൊണ്ട് ബിരുദപഠനം പൂര്ത്തിയാക്കാനാകുമെന്നും മന്ത്രി പറഞ്ഞു. അന്തര് സര്കവകലാശാല മാറ്റത്തിനും ഈ പുതിയ രീതി അനുസരിച്ച കൂടുതല് സാധ്യതകള് ഉണ്ട്. പഠനത്തിനിടക്ക് താൽപര്യമുള്ള വിദ്യാർഥികൾക്ക് അന്തർസർവകലാശാലാ മാറ്റത്തിനുള്ള അവസരവുമുണ്ടാകും. റെഗുലർ കോളജ് പഠനത്തോടൊപ്പം വിദ്യാർഥികൾക്ക് ഓൺലൈൻ ആയി കോഴ്സുകൾ ചെയ്യാനും അതിലൂടെ ആർജ്ജിക്കുന്ന ക്രെഡിറ്റുകൾ ബിരുദ/ഓണേഴ്സ് കോഴ്സ് പൂർത്തീകരിക്കാൻ ഉപയോഗപ്പെടുത്താനും സാധിക്കും. ഓരോ കലാലയത്തിന്റെയും പ്രത്യേകതകൾക്കനുസരിച്ചു രീതികൾ തിരഞ്ഞെടുക്കാനും സ്വാതന്ത്ര്യമുണ്ടാകും.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)