ചെന്നൈ: 33 ഇനം നായ്ക്കളെ വളർത്തുന്നതിൽ നിയന്ത്രണവുമായി തമിഴ്നാട് സർക്കാർ. ചെന്നൈയിൽ 5 വയസുകാരിയെ റോട്ട് വീലർ ഇനത്തിൽപ്പെട്ട നായ ആക്രമിച്ചതിന് പിന്നാലെയാണ് നടപടി. പട്ടികയിൽ ഉൾപ്പെട്ട നായ്ക്കളെ ഇറക്കുമതി ചെയ്യുന്നതിനും പ്രജനനം നടത്തുന്നതിനും വിൽക്കുന്നതിനും വിലക്കേർപ്പെടുത്തിയതായി മൃഗസംരക്ഷണവകുപ്പ് വ്യക്തമാക്കി.
![](https://www.kottayammedia.com/wp-content/uploads/2024/08/achayans-gold-27-8-24.jpg)
ജനങ്ങളെ ആക്രമിക്കാൻ സാധ്യതയുള്ള റോട്ട് വീലർ, അമേരിക്കൻ ബുൾ ഡോഗ്, ടോസ ഇനു വുൾഫ് ഡോഗ്സ് തുടങ്ങിയ ഇനം നായ്ക്കൾക്കാണ് നിയന്ത്രണം. നിലവിൽ ഈ ഇനത്തിൽപ്പെട്ട നായ്ക്കളെ വളർത്തുന്നുണ്ടെങ്കിൽ വന്ധ്യംകരണം നടത്തണമെന്നും നിർദേശമുണ്ട്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)