തിരുവനന്തപുരം:ബാലുശേരി എംഎല്എ സച്ചിന് ദേവ് കെഎസ്ആര്ടിസി ബസില് കയറി ആളുകളെ ഇറക്കിവിട്ടു എന്നത് ശുദ്ധ നുണയാണെന്ന് ഡിവൈഎഫ്ഐ നേതാവും എംപിയുമായ എഎ റഹീം. തനിക്ക് കൂടി ഒരു ടിക്കറ്റ് തരൂ. വണ്ടി നേരെ ഡിപ്പോയിലേക്ക് പോകട്ടെയെന്ന് മാത്രമാണ് അദ്ദേഹം പറഞ്ഞത്. വഴിയില് ഒരു കെഎസ്ആര്ടിസി ബസ് നിര്ത്തേണ്ടതായി വന്നാല് സാധാരണനിലയില് എന്താണോ ചെയ്യുക അതാണ് അവിടെ ഉണ്ടായതെന്നും റഹീം പറഞ്ഞു. ഇത് സംബന്ധിച്ച് രൂക്ഷമായ സൈബര് ആക്രമാണ് ആര്യക്കെതിരെ നടത്തുന്നത്. മുന്പ് ഇത്തരത്തില് ഏതെങ്കിലും തരത്തില് വാഹനം തടഞ്ഞുനിര്ത്തിയതായി ആര്യക്കെതിരെ ആരോപണം ഉണ്ടോയെന്നും റഹീം ചോദിച്ചു. എന്നാല് ഡ്രൈവര്ക്കെതിരെ മുന്പും ഇത്തരത്തിലുള്ള നിരവധി ആരോപണങ്ങള് ഉണ്ടായിട്ടുണ്ടെന്നും റഹീം പറഞ്ഞു.
![](https://www.kottayammedia.com/wp-content/uploads/2024/08/achayans-gold-27-8-24.jpg)
സംഭവം ഉണ്ടായതിന് പിന്നാലെ അവര് ആദ്യം വിവരം പൊലീസിനെയാണ് അറിയിച്ചത്. തുടര്ന്ന് അവര് വാഹനത്തെ പിന്തുടര്ന്നു. സിഗ്നലില് വാഹനം നിര്ത്തിയതിന് പിന്നാലെ, കെഎസ്ആര്ടിസി ബസ് തടഞ്ഞുനിര്ത്തി. അവര് ഒരുതരത്തിലും നിയമം കൈയിലെടുത്തില്ല. ഡിവൈഎഫ്ഐക്കാരെ വിളിച്ചുവരുത്തിയിട്ടില്ല. പൊലീസ് വരുന്നതുവരെ ഡ്രൈവറെ തടഞ്ഞുനിര്ത്തി. ആരായാലും ഇങ്ങനെയല്ലേ കാര്യങ്ങള് ചെയ്യുക?. ഇതാണ് അവിടെയും സംഭവിച്ചതെന്ന് റഹീം പറഞ്ഞു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)