തിരുവനന്തപുരം വര്‍ക്കലയില്‍ ബൈക്കും ബസും കൂട്ടിയിടിച്ച് ബൈക്കില്‍ സഞ്ചരിച്ച സ്ത്രീ മരിച്ചു. വര്‍ക്കല റെയില്‍വേ സ്റ്റേഷനു സമീപമാണ് അപകടം.അഞ്ചുതെങ്ങ് കോവില്‍ തോട്ടം സ്വദേശി പ്രതിഭ(44)യാണ് മരിച്ചത്.
എതിര്‍ദിശയില്‍ നിന്നുവന്ന സ്വകാര്യബസ് ബൈക്കില്‍ ഇടിക്കുകയായിരുന്നു.മകളെ റെയില്‍വേ സ്റ്റേഷനിലാക്കാന്‍ ബൈക്കിലെത്തിയ മൂന്നംഗ കുടുംബമാണ് അപകടത്തില്‍പെട്ടത്.പ്രതിഭയുടെ ഭര്‍ത്താവ് വിജയകുമാര്‍, മകള്‍ വിഷ്ണുപ്രിയ എന്നിവര്‍ക്കും പരുക്കേറ്റു
