പത്തനംതിട്ട: തന്റെ മക്കള്‍ക്ക് കൊക്കില്‍ ശ്വാസമുണ്ടെങ്കില്‍ ബിജെപിയിലേക്ക് പോകില്ലെന്ന് മറിയാമ്മ ഉമ്മന്. മക്കള്‍ ബിജെപിയിലേക്ക് പോകുമെന്ന കുപ്രചരണം ഇല്ലാതാക്കുന്നതിന് വേണ്ടിയാണ് താന്‍ ഇത്തവണ യുഡിഎഫ് സ്ഥാനാര്‍ത്ഥികള്‍ക്കായി പ്രചരണത്തിനിറങ്ങുന്നത്. രാജ്യത്തിന്റെ അഖണ്ഡതയ്ക്കും ഐക്യത്തിനും ഇന്‍ഡ്യാ മുന്നണി അധികാരത്തില്‍ വരണമെന്നും മറിയാമ്മ ഉമ്മന് വ്യക്തമാക്കി.
പത്തനംതിട്ട ഉള്ളന്നൂരില്‍ യുഡിഎഫ് സ്ഥാനാര്‍ത്ഥി ആന്റോ ആന്റണിയുടെ പ്രചരണത്തിനായാണ് മറിയാമ്മ ഉമ്മന് എത്തിയത്. നേതാക്കളും പ്രവര്‍ത്തകരും ഊഷ്മളമായ സ്വീകരണം മറിയാമ്മ ഉമ്മന് നല്‍കി. മക്കള്‍ ബിജെപിയിലേക്ക് പോകുമെന്ന് അസത്യ പ്രചരണം നടക്കുന്നു. അങ്ങനെയല്ല എന്ന് കാണിക്കാന്‍ വേണ്ടി മാത്രമാണ് താന്‍ പ്രചരണത്തിനിറങ്ങുന്നത് എന്ന് മറിയാമ്മ ഉമ്മന് പറഞ്ഞു.
