ഡല്ഹി: ജയിലില് വീട്ടിലുണ്ടാക്കിയ ഭക്ഷണവും കിടക്കയും ലഭ്യമാക്കണമെന്ന് ഭാരത് രാഷ്ട്ര സമിതി(ബി.ആര്.എസ്) നേതാവ് കെ.കവിത. ആവശ്യവുമായി കവിത കോടതിയെ സമീപിച്ചു. റോസ് അവന്യു കോടതിയില് ആണ് അഭിഭാഷകൻ അപേക്ഷ നൽകിയത്. നിലവില് തിഹാര് ജയിലില് കഴിയുന്ന കവിതയെ ഡല്ഹി കോടതി ഏപ്രില് 9 വരെ 14 ദിവസത്തേക്കാണ് ജുഡീഷ്യല് കസ്റ്റഡിയില് വിട്ടത്. പിന്നാലെയാണ് തിഹാര് ജയിലിലേക്ക് മാറ്റിയത്.
![](https://www.kottayammedia.com/wp-content/uploads/2024/08/achayans-gold-27-8-24.jpg)
വീട്ടില് പാകം ചെയ്ത ഭക്ഷണവും കിടക്കയും ലഭ്യമാക്കാന് ജയില് അഡ്മിനിസ്ട്രേറ്റര്ക്ക് നിര്ദേശം നല്കണമെന്നാണ് കവിതയുടെ അപേക്ഷ. തന്റെ കണ്ണടയും ജപമാലയും ജയിലില് എത്തിക്കണമെന്നും ഇവ കൂടാതെ ചെരുപ്പ്, ബെഡ്ഷീറ്റ്, പുസ്തകങ്ങള്, ബ്ലാങ്കെറ്റ്, പേന, പേപ്പര് ഷീറ്റുകള്, ആഭരണം, മരുന്ന് തുടങ്ങിയ പല സാധനങ്ങളും ജയിലില് അനുവദിക്കണമെന്ന് ജയില് അധികൃതര്ക്ക് നിര്ദേശം നല്കാന് അപേക്ഷയില് പറയുന്നുണ്ട്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)