കോഴിക്കോട്: മുസ്ലിം ലീഗ് മൂന്നാം സീറ്റ് ആവശ്യത്തില്‍ യുഡിഎഫില്‍ തര്‍ക്കമുണ്ടാകില്ലെന്ന് കെ മുരളീധരന്‍ എം പി. മൂന്നാം സീറ്റ് സംബന്ധിച്ച് നാളെ എറണാകുളത്ത് ചേരുന്ന കോണ്‍ഗ്രസ് മുസ്ലിം ലീഗ് ഉഭയകക്ഷി യോഗത്തില്‍ ചര്‍ച്ച ചെയ്ത് തീരുമാനിക്കും.
നാളെ തന്നെ അന്തിമ തീരുമാനം ഉണ്ടാകും. മൂന്നാം സീറ്റ് സംബന്ധിച്ച തര്‍ക്കം യുഡിഎഫില്‍ ഉണ്ടാകില്ല. യുഡിഎഫിന്റെ കെട്ടുറപ്പിനെ അത് ബാധിക്കില്ല. നാളെ തന്നെ തീരുമാനം എടുക്കാന്‍ കഴിയുമെന്നാണ് പ്രതീക്ഷിക്കുന്നതെന്നും കെ മുരളീധരന്‍ പറഞ്ഞു.
കോണ്‍ഗ്രസ് സ്ഥാനാര്‍ത്ഥി പ്രഖ്യാപനം മാര്‍ച്ച് ആദ്യവാരം ഉണ്ടാകും. 29 ാം തിയ്യതി രാഹുല്‍ ഗാന്ധി വിദേശത്തേക്ക് പോയി തിരിച്ചെത്തിയ ശേഷം മാര്‍ച്ച് ആദ്യവാരം സ്ഥാനാര്‍ത്ഥി പ്രഖ്യാപനം ഉണ്ടാവും. രാഹുല്‍ ഗാന്ധി വയനാട്ടില്‍ തന്നെ മത്സരിക്കും. അദ്ദേഹത്തിന്റെ സിറ്റിംഗ് സീറ്റാണ് അതെന്നും കെ മുരളീധരന്‍ വ്യക്തമാക്കി.
