കാൻപൂർ: രാഹുൽ ഗാന്ധിയെ ശ്രീകൃഷ്ണനായി ചിത്രീകരിച്ച് ഉത്തർപ്രദേശ് കോൺഗ്രസ്. ഭാരത് ജോഡോ ന്യായ് യാത്ര ഉത്തർപ്രദേശിലേക്ക് കടക്കുന്നതിന് മുന്നോടിയായാണ് രാഹുൽ ഗാന്ധിയെ ശ്രീകൃഷ്ണനായും യുപി കോൺഗ്രസ് നേതാവ് അജയ് റായിയെ അർജുനനായും ചിത്രീകരിച്ചുള്ള പോസ്റ്ററുകൾ പ്രത്യക്ഷപ്പെട്ടത്. കാൺപൂരിലാണ് ഈ പോസ്റ്ററുകൾ സ്ഥാപിച്ചിരിക്കുന്നത്.
കുരുക്ഷേത്ര യുദ്ധ വേളയിൽ തേര് തെളിക്കുന്ന ശ്രീകൃഷ്ണനായി രാഹുൽ ഗാന്ധിയും യോദ്ധാവായ അർജുനനായി അജയ് റായിയെയും ആണ് ചിത്രീകരിച്ചിരിക്കുന്നത്. കോൺഗ്രസ് നേതാവ് സന്ദീപ് ശുക്ലയാണ് ഈ പോസ്റ്ററിന് പിന്നിൽ. ആധുനിക കാലത്തെ ശ്രീകൃഷ്ണന്റെ അവതാരമായാണ് രാഹുൽ ഗാന്ധിയെ കാണുന്നതെന്നാണ് ശുക്ല പറഞ്ഞത്.
