റിയാദ്: ഫ്രഞ്ച് ഫുട്ബോൾ ടൂർണമെന്റായ ലീഗ് 1നേക്കാൾ മികച്ചതാണ് സൗദി പ്രോ ലീഗെന്ന് ക്രിസ്റ്റ്യാനോ റൊണാൾഡോ. ദുബായിലെ ഗ്ലോബൽ സോക്കർ പുരസ്കാര വേദിയിലാണ് റൊണാൾഡോയുടെ പ്രസ്താവന. സൗദി പ്രോ ലീഗിന്റെ നിലവാരത്തെക്കുറിച്ചുള്ള ചോദ്യത്തിന് മറുപടി പറയുകയായിരുന്നു പോർച്ചുഗീസ് ഇതിഹാസം.
താൻ ഒരു വർഷമായി സൗദിയിൽ ഫുട്ബോൾ കളിക്കുന്നു. ആത്മാർത്ഥമായി താൻ പറയുന്നു. സൗദി പ്രോ ലീഗ് ഇപ്പോൾ ഫ്രഞ്ച് ലീഗിനേക്കാൾ മികച്ചതാണ്. സൗദി ലീഗിന്റെ നിലവാരം ഇനിയും ഉയരുമെന്നും റൊണാൾഡോ പ്രതികരിച്ചു. തന്റെ ഫുട്ബോൾ കരിയർ തുടരുന്നതിലും റൊണാൾഡോ മറുപടി നൽകി.
