തിരുവനന്തപുരം: യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂത്തില് അറസ്റ്റില്. സെക്രട്ടറിയേറ്റ് മാര്ച്ച് അതിക്രമകേസിലാണ് അറസ്റ്റ്. കന്റോണ്മെന്റ് പൊലീസ് അടൂരിലെ വീട്ടില് നിന്നുമാണ് രാഹുലിനെ കസ്റ്റഡിയിലെടുത്തത്. പ്രതിപക്ഷ നേതാവ് വി ഡി സതീശനാണ് കേസിലെ ഒന്നാം പ്രതി. ഇതുവരെയും 31 യൂത്ത് കോണ്ഗ്രസ് പ്രവര്ത്തകരെ സംഘർഷവുമായി ബന്ധപ്പെട്ട് അറസ്റ്റ് ചെയ്തിട്ടുണ്ട്. പൊതുമുതല് നശിപ്പിച്ചു, കലപാഹ്വാനം നടത്തി എന്നീ വകുപ്പുകള് ചുമത്തിയാണ് കേസെടുത്തത്.
![](https://www.kottayammedia.com/wp-content/uploads/2024/08/achayans-gold-27-8-24.jpg)
മാര്ച്ചിനിടെയുണ്ടായ സംഘര്ഷത്തില് അറസ്റ്റിലായ 26 യൂത്ത് കോണ്ഗ്രസ് പ്രവര്ത്തകരെ ജാമ്യത്തില് വിട്ടിരുന്നു. തിരുവനന്തപുരം സിജെഎം, ജില്ലാ സെഷന്സ് കോടതികളാണ് ജാമ്യം അനുവദിച്ചത്. കേസില് 31 പ്രവര്ത്തകര് റിമാന്ഡിലായിരുന്നു. വി ഡി സതീശന് പുറമേ ഷാഫി പറമ്പില് എംഎല്എ, എം വിന്സന്റ് എംഎല്എ എന്നിവരും പ്രതിപ്പട്ടികയിലുണ്ട്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)