കോട്ടയം :കിടങ്ങൂർ ചെമ്പിളാവിൽ പടക്ക നിർമ്മാണ ശാലയുടെ സമീപമുള്ള വീടിന്റെ ടെറസിൽ ഉണ്ടായ സ്ഫോടനത്തിൽ ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു.ചെമ്പിളാവ് ഐക്കരയിൽ ജോസിന്റെ മകൻ ജോജി ജോസാണ് (21)മരണമടഞ്ഞത്.
![](https://www.kottayammedia.com/wp-content/uploads/2024/08/achayans-gold-27-8-24.jpg)
ബുധനാഴ്ച രാവിലെ പത്തരയോടെയാണ് വീടിന്റെ ടെറസിന് മുകളിൽ ഉണങ്ങാനിട്ടിരുന്ന വെടിമരുന്നിന് തീ പിടിച്ചത്. ഗുരുതരമായി പരിക്കേറ്റ ജോജി യെ മെഡിക്കൽ കോളേജാശുപത്രിയിൽ പ്രവേശിപ്പിച്ചിരിക്കുകയായിരുന്നു . സംസ്കാരം ഞായറാഴ്ച 4 ന് ചെമ്പിളാവ് ചെറുപുഷ്പം ദേവാലയത്തിൽ.
അമ്മ: സെലിൻ ജോസ് (ചെമ്പിളാവ് മുണ്ടക്കൽ കുടുംബാംഗം).
സംഭവത്തെത്തുടർന്ന് അനധികൃതമായി പടക്കനിർമ്മാണ സാമഗ്രികൾ സൂക്ഷിക്കുകയും പടക്കനിർമ്മാണശാല നടത്തുകയും ചെയ്ത കേസിൽ ചെമ്പിളാവ്
കാരക്കാട്ടിൽ മാത്യു ദേവസ്യ, മക്കളായ ബിനോയ് മാത്യു, ബിനീഷ് മാത്യു എന്നിവരെ കിടങ്ങൂർ പോലീസ് വ്യാഴാഴ്ച അറസ്റ്റ് ചെയ്തിരുന്നു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)