റാഞ്ചി: ജാർഖണ്ഡിൽ ഭാര്യയുമായി തർക്കത്തെ തുടർന്ന് കിണറ്റിലേക്ക് ചാടിയ യുവാവും, ഇയാളെ രക്ഷിക്കാനായി കിണറ്റിലിറങ്ങിയ നാലുപേരും മരിച്ചു. ഹസാരിബാഗിലെ ചാർഹിയിലാണ് സംഭവം.
സുന്ദർ കർമാലി (27) ആണ് ഭാര്യയുമായി വഴക്കുണ്ടായതിനെ തുടർന്ന് കിണറ്റിലേക്ക് ചാടിയത്. ഇയാളെ രക്ഷിക്കാനായാണ് പ്രദേശവാസികളായ നാല് പേർ പല തവണകളിലായി കിണറ്റിലേക്ക് ഇറങ്ങിയത്.
എന്നാൽ എല്ലാവരും മരണപ്പെടുകയായിരുന്നു. രാഹുൽ കർമാലി (26), വിനയ് കർമാലി, പങ്കജ് കർമാലി, സുരജ് ബുൽയാൻ (24) എന്നിവരാണ് മരിച്ച മറ്റുള്ളവർ.
