തലച്ചോറില്‍ രക്തസ്രാവം ഉണ്ടായതിനെ തുടർന്ന് അടിയന്തര ശസ്ത്രക്രിയയ്ക്കായി ബ്രസീൽ പ്രഡിഡന്റ് ലൂയിസ് ഇനാസിയോ ലുല ഡാ സില്‍വയെ ആശുപത്രിയിൽ പ്രവേശിപ്പിച്ചു.സാവോ പോളോയിലെ ആശുപത്രിയില്‍ അദ്ദേഹത്തിന്റെ ശസ്ത്രക്രിയ പൂർത്തിയായെന്നും നിലവിൽ അദ്ദേഹം തീവ്രപരിചരണവിഭാഗത്തിൽ തുടരുകയാണെന്നുമാണ് റിപ്പോർട്ട്.
ഇക്കഴിഞ്ഞ ഒക്ടോബറിൽ ലുല തലയടിച്ചു വീണിരുന്നു. പിന്നാലെയാണ് രക്തസ്രാവം ഉണ്ടായത്. പിന്നാലെ ആഴ്ചകൾ കഴിഞ്ഞിട്ടും കടുത്ത തലവേദനയടക്കം ഉണ്ടായതിനെ തുടർന്നാണ് അടിയന്തര ശസ്ത്രക്രിയയ്ക്ക് വിധേയനാകാൻ അദ്ദേഹത്തോട് ഡോക്ടർമാർ നിർദേശിച്ചത്. ശസ്ത്രക്രിയ പൂർത്തിയായ അദ്ദേഹം
ഇപ്പോഴും നിരീക്ഷണത്തിലാണ്.നാൽപ്പത്തിയെട്ട് മണിക്കൂർ നേരത്തേക്കാണ് അദ്ദേഹത്തിന് നിരീക്ഷണം ഏർപ്പെടുത്തിയിരിക്കുന്നത്.
