പാലാ :ഒരു പേരിലെന്തിരിക്കുന്നു എന്ന് ചോദിച്ച മഹാന്മാർ അനവധിയുണ്ട് .എന്നാൽ പേരിൽ ഒത്തിരി കാര്യമുണ്ടെന്നു മാലോകരെ ചിന്തിപ്പിക്കുകയാണ് പൂവരണിയിലെ ഒരു തട്ടുകടക്കാരൻ .പാലായ്ക്കടുത്ത പൂവരണിയിലെ തട്ടുകടയിൽ മറന്നു വച്ച പണവും സ്വർണ്ണവും രേഖകളുമടങ്ങിയ ബാഗ് ഉടമസ്ഥന് നൽകി തട്ടുകട ഉടമ മാതൃകയായി. കഴിഞ്ഞ ദിവസം പൂവരണി അമ്പലത്തിന് സമീപമുള്ള മഹാദേവൻ എന്നയാളുടെ തട്ടുകടയിലാണ് കുമളി സ്വദേശി തൻ്റെ ബാഗ് മറന്നു വച്ചത്.കടയുടമ ബാഗ് എടുത്ത് സൂക്ഷിച്ച് വച്ചു.
ഉടമ രണ്ടു ദിവസം കഴിഞ്ഞ് തിരിച്ചുവന്ന് അന്വേഷിച്ചപ്പോൾ ബാഗ് തിരികെ നൽകി.ഇന്നും എത്തിയില്ലായിരുന്നു എങ്കിൽ പോലീസിൽ ഏൽപ്പിക്കുമായിരുന്ന എന്നു മഹാദേവൻപറഞ്ഞു. മഹാദേവന്റെ മഹാമനസ്ക്കതയ്ക്കു മുൻപിൽ ശിരസ്സ് മമ്മിക്കുകയാണ് നാടും നാട്ടാരും.
