സംസ്ഥാന സ്കൂൾ കായികമേളയിൽ ബാഡ്മിൻറൺ മത്സരത്തിൽ കേരളത്തിന്റെ ‘ഭാവി വാഗ്ദാനം’ അവാർഡ് നേടിയ ശ്രേയ മരിയ മാത്യുവിനെ ആദരിച്ചു . നവംബർ 4 മുതൽ 11 വരെ എറണാകുളത്ത് വച്ച് നടന്ന സബ് ജൂനിയർ വിഭാഗം( 14 വയസ്സിന് താഴെ ) ബാഡ്മിൻറൺ മത്സരത്തിലെ മികച്ച പ്രകടനമാണ് ശ്രേയയെ ഈ അവാർഡി ലെത്തിച്ചത്. ടൂർണമെന്റിലെ കേരളത്തിന്റെ മിന്നും താരമായ ശ്രേയ ഡിസംബർ 4 മുതൽ ഡൽഹിയിൽ വെച്ച് നടക്കുന്ന ദേശീയ സബ് മത്സരത്തിലേക്ക് തിരഞ്ഞെടുക്കപ്പെട്ടിരിക്കുകയാണ്.
സംസ്ഥാന ടീം ചാമ്പ്യൻഷിപ്പിൽ കോട്ടയം ജില്ലയെ വെള്ളിമെഡലിലേക്ക് നയിച്ചതും ശ്രേയയുടെ മികച്ച പ്രകടനത്തിലൂടെയായിരുന്നു. തുടർച്ചയായ പരിശീലനമാണ് ശ്രേയയെ ഈ നേട്ടത്തിൽ എത്തിച്ചത് . നിരവധി സംസ്ഥാന ദേശീയ മത്സരങ്ങളിൽ പങ്കെടുത്തിട്ടുള്ള ശ്രേയ അടുത്തു വരുന്ന ദേശീയ മത്സരത്തിലും വിജയിക്കട്ടെ എന്നാണ് നാട്ടുകാരുടെ പ്രാർത്ഥന.
പാലാ മുത്തോലി വലിയമംഗലം അവിനാഷ് &ആശ ദമ്പതികളുടെ മകളും മുത്തോലി st. ജോസഫ് സ്കൂൾ എട്ടാം ക്ലാസ്സ്‌ വിദ്യാർത്ഥിനിയും ആണ് ശ്രേയ. ആദരിക്കൽ ചടങ്ങിൽ കേരള കോൺഗ്രസ് എം പാലാ നിയോജകമണ്ഡലം പ്രസിഡണ്ട് ടോബിൻ കെ അലക്സ്, കെ ടി യു സി സംസ്ഥാന സെക്രട്ടറി ജോസ്കുട്ടി പൂവേലി, ജിഷോ ചന്ദ്രൻ കുന്നേൽ,ജോർജുകുട്ടി കൊല്ലറാത്ത്, റോയി പ്ലാക്കാട്ട്, ടോമി കൊച്ചു കുന്നേൽ എന്നിവരും സന്നിഹിതരായിരുന്നു
