വേങ്ങര: എംഡിഎംഎയുമായി 3 പേർ മലപ്പുറം എക്സൈസ് ടീമിന്റെ പിടിയിൽ ആയി. വേങ്ങര സ്വദേശി വീരപ്പൻ മണി എന്ന അനിൽകുമാർ (43)ചേറൂർ പുതിയകത്ത് നവാസ് (30) പറപ്പൂർ എടയാട്ട് പറമ്പ് രവി (44) എന്നിവരാണ് പിടിയിലായത്.
പരിശോധനയിൽ 30 ഗ്രാം എംഡിഎംഎ പ്രതികളിൽ നിന്ന് കണ്ടെത്തി. മയക്കുമരുന്ന് കടത്താൻ ഉപയോഗിച്ച വാഹനങ്ങളും 48,000 രൂപയും പ്രതികളിൽ നിന്നും പിടിച്ചെടുത്തിട്ടുണ്ട്. കഴിഞ്ഞ ദിവസവും മലപ്പുറത്ത് നിന്നും എംഡിഎംഎ പിടികൂടിയിരുന്നു. മലപ്പുറം ജില്ലയിലെ കുറുവയില്‍ ആണ് 75 ഗ്രാം എംഡിഎംഎയുമായി രണ്ട് യുവാക്കള്‍ പിടിയിലായത്.
