ഉത്തരാഖണ്ഡില്‍ വന്ദേ ഭാരത് ട്രെയിനിന് നേരെ കല്ലേറുണ്ടായി. കല്ലേറിൽ ജനലിൽ വിള്ളല്‍ വീഴുകയും യാത്രക്കാരില്‍ പരിഭ്രാന്തി സൃഷ്ടിക്കുകയും ചെയ്തു. സംഭവത്തിൽ 22കാരൻ അറസ്റ്റിലായിട്ടുണ്ട്.
ഡെറാഡൂണില്‍ നിന്ന് ലഖ്നൗവിലേക്കുള്ള 22546 നമ്പർ വന്ദേ ഭാരത് ട്രെയിനിന് നേരെ ലക്സര്‍-മൊറാദാബാദ് റെയില്‍വേ സെക്ഷനിലെ ഖരഞ്ജ കുതുബ്പൂര്‍ ഗ്രാമത്തിന് സമീപമാണ് കല്ലേറുണ്ടായതെന്ന് പൊലീസ് പറഞ്ഞു. കല്ല് സി-6 കോച്ചില്‍ പതിക്കുകയും ജനലിൽ വലിയ വിള്ളല്‍ ഉണ്ടാവുകയും ചെയ്തു.
