പാലാ :സീറോ മലബാർ സഭയിൽ ആദ്യമായി നൊവേന ആരംഭിച്ചതും തീർത്ഥാടന കേന്ദ്രവുമായ പാലാ ളാലം പഴയ പള്ളിയിൽ നിത്യസഹായ മാതാവിൻ്റെ നൊവേന തിരുനാൾ നാളെ മുതൽ 17 ഞായർ വരെ ആഘോഷിക്കുന്നു. തിരുനാൾ ദിനങ്ങളിൽ രാവിലെ 4:30 ദിവ്യകാരുണ്യ ആരാധന,ജപമാല തുടർന്ന് 5:30, 7, 9:30.വൈകുന്നേരം 4:30, 6:30 എന്നീ സമയങ്ങളിൽ ആഘോഷമായ വി.കുർബാന,നൊവേന എന്നിവയുണ്ടായിരിക്കും.നവംബർ 9 ശനിയാഴ്ച വൈകുന്നേരം 4 മണിക്ക് കൊടിയേറ്റ്,തിരുസ്വരൂപ പ്രതിഷ്ഠ, ലദീഞ്ഞ് .നവംബർ 16 ശനിയാഴ്ച വൈകുന്നേരം 6 മണിക്ക് വാഹനവെഞ്ചിരിപ്പ് ഉണ്ടായിരിക്കും.
പ്രധാന തിരുനാൾ ദിനമായ നവംബർ 17 ഞായറാഴ്ച രാവിലെ 4:30 ന് ദിവ്യകാരുണ്യ ആരാധന,ജപമാല തുടർന്ന് 5:30 , 7 , 9:30 എന്നീ സമയങ്ങളിൽ ആഘോഷമായ വിശുദ്ധ കുർബാന,സന്ദേശം, നൊവേന ഉച്ചകഴിഞ്ഞ് 3 മണിക്ക് വാദ്യമേളങ്ങൾ 4 മണിക്ക് പ്രസുദേന്തി വാഴ്ച . 4:30ന് ആഘോഷമായ തിരുനാൾ കുർബാന,സന്ദേശം തുടർന്ന് തിരുനാൾ പ്രദക്ഷിണം ,നിത്യസഹായ മാതാവിൻ്റെ നൊവേന,പരിശുദ്ധ കുർബാനയുടെ ആശിർവാദം. തിരുനാൾ തിരുകർമ്മങ്ങൾക്ക് വികാരി ഫാ.ജോസഫ് തടത്തിൽ,സഹവികാരിമാരായ ഫാ.ജോസഫ് ആലഞ്ചേരിൽ, ഫാ.സ്കറിയ മേനാംപറമ്പിൽ,ഫാ.ആൻറണി നങ്ങാപറമ്പിൽ എന്നിവർ നേതൃത്വം നൽകും.
