സ്ഥാനാര്‍ത്ഥികള്‍ കൈകൊടുക്കുന്നതില്‍ പ്രതികരണവുമായി കോണ്‍ഗ്രസ് നേതാവ് ശശി തരൂര്‍ എംപി. തിരഞ്ഞെടുപ്പ് പ്രചരണം നടത്തുന്നതിനിടെ സ്ഥാനാര്‍ത്ഥികള്‍ ഹസ്തദാനം നടത്തുന്നതില്‍ തെറ്റില്ലെന്ന് തരൂര്‍ വ്യക്തമാക്കി. ഒ.രാജഗോപാല്‍ എതിരാളിയായി മത്സരിച്ച സമയത്ത് താന്‍ രാജഗോപാലിന് കൈ കൊടുത്തിരുന്നുവെന്നും തരൂര്‍ പാലക്കാട് പറഞ്ഞു.
പാലക്കാട് ഇടത് സ്ഥാനാര്‍ത്ഥിയായ സരിന് കൈകൊടുക്കാത്ത ഷാഫിയുടെയും രാഹുല്‍ മാങ്കൂട്ടത്തിലിന്റെയും നടപടിയെ കോണ്‍ഗ്രസ് ന്യായീകരിച്ച സമയത്ത് തന്നെയാണ് തരൂര്‍ ഇതിനെതിരെ രംഗത്തുവന്നത്.
