വീണ്ടും വിവാഹിതയായി ബോളിവുഡ് താരം സണ്ണി ലിയോൺ . ഭർത്താവ് ഡാനിയൽ വെബർ തന്നെയാണ് വിവാഹം കഴിച്ചത്. 13 വർഷം നീണ്ട ദാമ്പത്യത്തിനൊടുവിൽ വീണ്ടും വിവാഹം കഴിക്കാൻ ഇവർ തീരുമാനിക്കുകയായിരുന്നു. മക്കളെ സാക്ഷി നിർത്തിയായിരുന്നു വിവാഹം. മാലിദ്വീപിൽ നടന്ന ആഘോഷങ്ങളുടെ ചിത്രം താരം സോഷ്യൽ മീഡിയയിലൂടെ പങ്കുവച്ചിട്ടുണ്ട്.
‘ദൈവത്തിന്റേയും സുഹൃത്തുക്കളുടേയും കുടുംബത്തിന്റേയും മുന്നിൽവെച്ചായിരുന്നു ഞങ്ങളുടെ ആദ്യവിവാഹം. ഇത്തവണ ഞങ്ങൾ അഞ്ച് പേർ മാത്രം. ഞങ്ങൾക്കിടയിൽ ഒരുപാട് സ്നേഹവും സമയവും. എന്നും നിങ്ങൾ എന്റെ ജീവിതത്തിലെ പ്രണയമായി നിലനിൽക്കും’, വിവാഹ ചിത്രത്തോടൊപ്പം നടി കുറിച്ചു.
