പാലാ : പാലാ ഉപജില്ലാ കലോത്സവത്തിൽ സെൻറ് മേരീസ് ഗേൾസ് ഹയർ സെക്കൻഡറി സ്കൂൾ ഗ്രാൻഡ് ഓവറോൾ കരസ്ഥമാക്കി. 78 പോയിന്റുകളോടെ യുപി വിഭാഗത്തിലും 184 പോയിന്റുകളോടെ എച്ച് എസ് വിഭാഗത്തിലും 169 പോയിന്റുകളോടെ എച്ച്.എസ്.എസ് വിഭാഗത്തിലും ഓവറോൾ കരസ്ഥമാക്കിയാണ് ഗ്രാൻഡ് ഓവറോൾ കൈപ്പിടിയിൽ നേടിയത്
കോട്ടയം റവന്യൂ ജില്ല സ്കൂൾ കായികമേളയിൽ ബെസ്റ്റ് സ്കൂൾ വിഭാഗത്തിൽ 6 സ്വർണവും രണ്ട് വെള്ളിയും മൂന്നു വെങ്കലവും സ്കൂളിലെ കുട്ടികൾ പൊരുതി മൂന്നാം സ്ഥാനത്ത് എത്തിയതിന്റെ തൊട്ടു പിന്നാലെയാണ് ഉപജില്ലാ ശാസ്ത്രോത്സവത്തിൽ 78 പോയിൻറ് സ്വന്തമാക്കി എച്ച്. എസ്, യു .പി വിഭാഗങ്ങൾ ഗ്രാൻഡ് ഓവറോൾ കരസ്ഥമാക്കിയത്.
വിജയം തുടർക്കഥയാക്കിയ പാലാ സെന്റ് മേരീസിലെ പെൺകുട്ടികൾ മിന്നും പ്രകടനത്തിലൂടെ കലാ കിരീടവും സെന്റ് മേരീസിൻ്റെ തിരുമുറ്റത്ത് എത്തിച്ചു.
പിടിഎ പ്രസിഡൻറ് ഡോക്ടർ ടി സി തങ്കച്ചൻ,എക്സിക്യൂട്ടീവ് അംഗങ്ങൾ, സ്കൂൾ മാനേജർ ഡോക്ടർ റവ. സിസ്റ്റർ ഗ്രേയ്സ് മുണ്ടപ്ലാക്കൽ, അധ്യാപകർ, മാതാപിതാക്കൾ, അഭ്യുദയകാംക്ഷികൾ തുടങ്ങിയവർ വിജയികൾക്ക് അഭിനന്ദനങ്ങൾ അറിയിച്ചു.
