പാലാ സെന്റ് തോമസ് കോളേജിൽ കായിക വകുപ്പിന്റെ നേതൃത്വത്തിൽ കോളേജിലെ വിദ്യാർത്ഥികൾക്കായി നടത്തിയ ഇന്റർ ഡിപ്പാർട്ട്മെന്റ് കയാക്കിംഗ് മത്സരപരമ്പരയിൽ സ്പോർട്സ് മാനേജ്മെന്റ് ഡിപ്പാർട്ട്മെന്റ് ജേതാക്കളായി. പൊളിറ്റിക്സ് ഡിപ്പാർട്ട്മെന്റ് രണ്ടാം സ്ഥാനവും ഫിസിക്സ്‌ ഡിപ്പാർട്മെന്റ് മൂന്നാം സ്ഥാനവും കരസ്ഥമാക്കി. കോളേജ് പ്രിൻസിപ്പൽ ഡോ സിബി ജെയിംസ്, വൈസ് പ്രിൻസിപ്പൽ ഡോ. സാൽവിൻ കാപ്പിലിപ്പറമ്പിൽ എന്നിവർ ജേതാക്കൾക്ക് ട്രോഫികൾ നൽകി.
കോളേജിലെ ഇന്റഗേറ്റ്ഡ് സ്പോർട്സ് കോംപ്ലക്സിലെ സിമ്മിംഗ് പൂളിലാണ് മത്സരപരമ്പരകൾ അരങ്ങേറിയത്. കോളേജിലെ 200ലധികം പുരുഷ വനിത വിദ്യാർത്ഥികൾ പങ്കെടുത്ത മത്സരപരമ്പര വിദ്യാർത്ഥികൾക്കിടയിൽ ആവേശത്തോടും ആനന്ദത്തോടും ഒപ്പം സാഹസികതയുടെ മറ്റൊരു അനുഭവം കൂടി വിദ്യാർഥികൾക്ക് സമ്മാനിച്ചാണ്‌ ടൂർണ്ണമെന്റ് സമാപിച്ചത്. വരും വർഷങ്ങളിൽ കൂടുതൽ വിദ്യാർത്ഥികളുടെ പങ്കാളിത്തത്തോടെ മീനച്ചലാറ്റിൽ മത്സരങ്ങൾ നടത്തുമെന്ന് സംഘടകർ അറിയിച്ചു.
