പാലക്കാട് യു ഡി എഫ് ജയിക്കാൻ പോകുന്നില്ലെന്ന കുറ്റസമ്മതമാണ് പുറത്തുവന്ന കത്തെന്ന് പാലക്കാട്ടെ ഇടതു സ്വതന്ത്ര സ്ഥാനാർത്ഥി പി സരിൻ. കോൺഗ്രസ് നന്നായിക്കാണാൻ അതിലുള്ള കുറച്ചുപേർക്ക് ഇപ്പോഴും ആഗ്രഹമുള്ളതിനാലാകാം ആ കത്ത് പുറത്തുവന്നതെന്ന് അദ്ദേഹം പറഞ്ഞു.
എനിക്ക് വലിയ ആശ്ചര്യമോ ഞെട്ടലോ ഒന്നുമില്ല. തോൽക്കാൻ വേണ്ടിയൊരു സ്ഥാനാർത്ഥിയെ നിർത്തിയതാവാമെന്ന് ഞാൻ അന്ന് പറഞ്ഞിരുന്നു. രാഹുൽ ഇവിടെ ജയിക്കാൻ പോകുന്നില്ലെന്ന് തിരഞ്ഞെടുപ്പിന് മുമ്പ് തന്നെ യു ഡി എഫ് കുറ്റസമ്മതം നടത്തിയതുപോലെയാണ് മനസിലാകുന്നത്.
ഇതാ തോൽക്കാൻ വേണ്ടി ഞങ്ങളൊരു സ്ഥാനാർത്ഥിയെ അവതരിപ്പിച്ചിരിക്കുന്നെന്ന് യു ഡി എഫ് തന്നെ പറയുകയാണ്. കത്തിന്റെയൊക്കെ അടിസ്ഥാനത്തിൽ നമ്മൾ മനസിലാക്കേണ്ടത് അതാണ്. ഈ കത്ത് വിധിയെഴുതാൻ ജനങ്ങളെ സഹായിക്കുമെങ്കിൽ അത്രയും നല്ലതും. ഇതിലും വലിയ കാര്യങ്ങൾ പുറത്തുവരാനിരിക്കുകയാണ്. അത് പയ്യെ പയ്യെ മനസിലാക്കും.’ – സരിൻ പറഞ്ഞു.
