പാലാ :ഭക്തി സാന്ദ്രമായ അന്തരീക്ഷത്തിൽ;പ്രാർത്ഥനാ മന്ത്രങ്ങൾ ഉരുവിട്ടുകൊണ്ടു വിശുദ്ധ യൂദാശ്ലീഹായുടെ തിരുസ്വരൂപം കിഴതടിയൂർ പള്ളി മൊണ്ടളത്തിൽ പ്രതിഷ്ഠിച്ചു.പള്ളി വികാരി റവ ഫാദർ തോമസ് പുന്നത്താനത്ത് മുഖ്യ കാർമ്മികനായിരുന്നു.റവ ഫാദർ മാത്യു വെണ്ണായപ്പള്ളി;റവ ഫാദർ സെബാസ്ററ്യൻ ആലപ്പാട്ടുകുന്നേൽ;ഡി ജോഷി തുപ്പലഞ്ഞിയിൽ;ടോമി കെ കെ കട്ടൂപ്പാറയിൽ;കെ സി ജോസഫ് കൂനംകുന്നേൽ ;ജോജി ജോർജ് പൊന്നാടംവാക്കൽ;പി ജെ തോമസ് പനക്കൽ;ജോസുകുട്ടി പൂവേലിൽ;സോജൻ കല്ലറയ്ക്കൽ തുടങ്ങിയവർ സന്നിഹിതരായിരുന്നു .
27 ന് വൈകിട്ട് 6:15 ജപമാല പ്രദക്ഷിണം.വിശുദ്ധന്റെ തിരുശേഷിപ്പ് വണങ്ങുന്നതിനും കഴുന്ന് എഴുന്നള്ളിക്കുന്നതിനും ഉള്ള സൗകര്യം ഏർപ്പെടുത്തിയിട്ടുണ്ട്. പ്രധാന തിരുനാൾ ദിവസമായ 28 ആം തീയതി രാവിലെ 5: 15 മുതൽ പ്രസിദ്ധമായ നെയ്യപ്പ നേർച്ച വിതരണം. 10 മണിക്ക് പാലാ രൂപത മെത്രാൻ മാർ ജോസഫ് കല്ലറങ്ങാട്ട് അർപ്പിക്കുന്ന ദിവ്യബലിയെ തുടർന്ന് 12 മണിക്ക് പ്രസിദ്ധമായ പെരുന്നാൾ പ്രദിക്ഷണം ടൗണിലേക്ക്. തുടർന്ന് 3, 5, 7 എന്നീ സമയങ്ങളിൽ വിശുദ്ധ കുർബാനയും നൊവേനയും.
