കസാന്‍: ബ്രിക്‌സ് ഉച്ചകോടിക്കായി റഷ്യയിലെത്തിയ പ്രധാനമന്ത്രി നരേന്ദ്ര മോദിയെ കൃഷ്ണഭജന്‍ പാടി സ്വീകരിച്ച് റഷ്യന്‍ പൗരന്മാര്‍. കസാനിലെ ഹോട്ടല്‍ കോര്‍സ്റ്റണില്‍ എത്തിയ മോദിയെ ഭജന്‍ പാടി സ്വീകരിക്കുന്ന വിഡിയോയും പുറത്തുവന്നിട്ടുണ്ട്. സ്വീകരണം ഏറ്റുവാങ്ങിയ പ്രധാനമന്ത്രി ഇന്ത്യന്‍ പ്രവാസികളെ അഭിവാദ്യം ചെയ്യുകയും ആശയവിനിമയം നടത്തുകയും ചെയ്തു.
കസാനിലെ ഹോട്ടല്‍ കോര്‍സ്റ്റണില്‍ റഷ്യന്‍ കലാകാരന്മാരുടെ നൃത്ത പരിപാടികളും പ്രധാനമന്ത്രി കണ്ടു. ‘ഏകദേശം മൂന്ന് മാസത്തോളം ഞങ്ങള്‍ റിഹേഴ്‌സല്‍ ചെയ്തു. ജനങ്ങള്‍ക്ക് പ്രധാനമന്ത്രി മോദിയെ ശരിക്കും ഇഷ്ടമാണ്. ഞങ്ങള്‍ മികച്ച നര്‍ത്തകരെന്ന് അദ്ദേഹം പറഞ്ഞു’. ഒരു റഷ്യന്‍ കലാകാരി എഎന്‍ഐയോട് പറഞ്ഞു.
