ഇന്ത്യയില്‍ നിന്ന് പോയ ബസ് നേപ്പാളിലെ മർസാൻഡി നദിയില്‍ മറിഞ്ഞ് കിടക്കുന്ന നിലയില്‍ കണ്ടെത്തി. 14 യാത്രക്കാർ മരിച്ചതായി വിവിധ വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.
ഉത്തർപ്രദേശിൽ രജിസ്റ്റർ ചെയ്ത ബസിൽ 40ഓളം യാത്രക്കാര്‍ ഉണ്ടായിരുന്നതായിട്ടാണ് വിവരം. ഇന്ന് രാവിലെ രാവിലെ 11.30 ഓടെയാണ് തനാഹൂണില്‍വച്ച് അപകടമുണ്ടായത്.
യുപി എഫ്ടി 7623 എന്ന രജിസ്ട്രഷൻ നമ്പരിലുള്ള ബസ് പൊഖാറയിൽ നിന്ന് കാഠ്മണ്ഡുവിലേക്ക് പോവുകയായിരുന്നു. തനാഹൂണ്‍ ഡിഎസ്പി ദീപ്കുമാർ റായ അപകടം സ്ഥിരീകരിച്ചു. ബസ് നദിയിലേക്ക് മറിഞ്ഞ് കിടക്കുന്ന നിലയിൽ കണ്ടെത്തുക ആയിരുന്നുവെന്ന് അദ്ദേഹം പറഞ്ഞു.
