പാലാ :എ.കെ.സി.സി. പിഴക് യൂണിറ്റിൻ്റെ ആഭിമുഖ്യത്തിൽ 10,+2, ക്ലാസ്സുകളിൽ സ്കൂളിലും, സൺഡേ സ്കൂളിലും ഉന്നത വിജയം നേടിയ വിദ്യാർത്ഥികളെ ആദരിച്ചു. പിഴക് പാരിഷ് ഹാളിൽ പ്രാർത്ഥനയോടെ തുടങ്ങിയ ചടങ്ങിൽ എ.കെ.സി.സി.രൂപത എക്സിക്യൂട്ടീവ് മെമ്പർ ജോയി മലയിൽ സ്വാഗതം ആശംസിച്ചു. യൂണിറ്റ് പ്രസിഡൻ്റ് അഡ്വ. ജേക്കബ് അൽഫോൻസാ ദാസ് അധ്യക്ഷത വഹിച്ചു, യൂണിറ്റ് ഡയറക്റ്റർ ഫാ . ജോസഫ് തെക്കേൽ അനുഗ്രഹ പ്രഭാഷണം നടത്തി. അനുമോദന സമ്മേളനം എ.കെ.സി.സി. രൂപത ട്രഷറർ ജോയി കെ. മാത്യു ഉദ്ഘാടനം ചെയ്തു.
സഭയോട് ചേർന്ന് നിന്ന് സഭാമൂല്യങ്ങൾ ഉയർത്തി പിടിച്ചു വേണം ലക്ഷ്യങ്ങൾ നേടിയെടുക്കാൻ എന്ന് ഉദ്ഘാടന പ്രസംഗത്തിൽ അദ്ദേഹം ഓർമപ്പെടുത്തി. മുൻ സംസ്ഥാന പ്രസിഡൻ്റ് എം.എം. ജേക്കബ് മുണ്ടയ്ക്കൽ, രൂപത സെക്രട്ടറി ലിബി തമ്പി മണിമല എന്നിവർ ആശംസകൾ അർപ്പിച്ചു .
10 ം ക്ലാസ്സിൽ ഉന്നത വിജയം നേടിയവരെ ജോയി കെ മാത്യുസാറും, 12 ം ക്ലാസ്സിൽ ഉന്നതവിജയം നേടിയവരെ ഫാ . ജോസഫ് തേക്കേലും, എ.കെ.സി.സി. 106 ം ജന്മവാർഷികത്തിൽ വോളൻ്റിയർമാരായി സേവനം അനുഷ്ഠിച്ച S.M.Y.M. പ്രവർത്തകർക്ക് എം. എം. ജേക്കബ്സാറും മോമെൻ്റോകൾ നൽകി ആദരിച്ചു. എ.കെ.സി.സി. രൂപതാ പ്രതിനിധി അഡ്വ. ആൻ്റണി ഞാവള്ളി നന്ദിയും അർപ്പിച്ചു.
