Kerala
2011 ൽ പതിനായിരം രൂപാ കൈക്കൂലി;2024 ൽ രണ്ടു വര്ഷം കഠിന തടവ്;കൈക്കൂലി വീരൻ എൽ ഡി ക്ലർക്കിനെ വിജിലൻസ് കുടുക്കി
കോട്ടയം ആലപ്പുഴ അരൂർ ഗ്രാമ പഞ്ചായത്ത് മുൻ എൽ.ഡി ക്ലാർക്കിനെ കഠിന തടവിന് ശിക്ഷിച്ചു ഗ്രാമ പഞ്ചായത്തിലെ 2010-2011 കാലഘട്ടത്തിൽ എൽ.ഡി ക്ലാർക്കായിരുന്ന സനൽ കുമാറിനെയാണ് 10,000 രൂപ കൈക്കൂലി വാങ്ങിയതിന് കോട്ടയം വിജിലൻസ് കോടതി രണ്ട് വർഷം കഠിന തടവിനും 30,000 രൂപ പിഴയും ശിക്ഷിച്ചത്.
ആലപ്പുഴ ജില്ലയിലെ അരൂർ സ്വദേശിയായ പരാതിക്കാരൻ പുതുതായി പണികഴിപ്പിച്ച വീടിന്റെ പെർമിറ്റ് നൽകുന്നതിനായിരുന്നു 10,000 രൂപ കൈക്കൂലി വാങ്ങിയത്. ആലപ്പുഴ വിജിലൻസ് യൂണിറ്റ് ഡിവൈഎസ്പിയായിരുന്ന രാജുവിന്റെ നേതൃത്വത്തിലുള്ള വിജിലൻസ് സംഘം കെണിയൊരുക്കി 2011 ജനുവരി മൂന്നാം തിയതിയാണ് ഇയാളെ കൈയ്യോടെ പിടികൂടിയത്.
ആലപ്പുഴ വിജിലൻസ് മുൻ ഡി.വൈ.എസ്.പി രാജു രജിസ്റ്റർ ചെയ്തു. അന്വേഷണം നടത്തി മുൻ ഡി.വൈ.എസ്.പി ജെയിംസ് ജോസഫ് കുറ്റപത്രം സമർപ്പിച്ച കേസ്സിലാണ് പ്രതിയായ സനൽ കുമാർ കുറ്റക്കാരനാണെന്ന് കോട്ടയം വിജിലൻസ് കോടതി കണ്ടെത്തിയത്. പ്രോസിക്യൂഷനുവേണ്ടി വിജിലൻസ് പബ്ലിക് പ്രോസിക്യൂട്ടർ ശ്രീകാന്ത്. കെ.കെ ഹാജരായി.