പൂഞ്ഞാർ : ശ്രീ നാരായണ ധർമ്മസംഘം ട്രസ്റ്റ് ഗുരുധർമ്മ പ്രചാരണ സഭ കടലാടിമറ്റം യൂണിറ്റിൻ്റെ രജത ജൂബിലി സമ്മേളനവും പ്രാർത്ഥനാലയത്തിൻ്റെ ഉദ്ഘാടനവും ഇന്ന് (ഞായറാഴ്ച ) നടക്കും. രാവിലെ 9.30 ന് ഗുരുദേവകൃതികളുടെ ആലാപനം. 10 ന് യൂണിറ്റ് പ്രസിഡൻ്റ് കെ.കെ.ജനാർദ്ദനൻ്റെ അദ്ധ്യക്ഷതയിൽ ചേരുന്ന സമ്മേളനം ആർ.സലിൻകുമാർ ഉദ്ഘാടനം ചെയ്യും. സഭയുടെ പൂഞ്ഞാർ മണ്ഡലം സെക്രട്ടറി കീർത്തിമോൻ മുഖ്യപ്രഭാഷണം നടത്തും. ജില്ലാ സെക്രട്ടറി വി.വി. ബിജുവാസ്, ജില്ലാ കോ-ഓർഡിനേറ്റർ ഷിബു മൂലേടം , വനിതാ സംഘം മീനച്ചിൽ യൂണിയൻ പ്രസിഡൻ്റ് മിനർവ്വ മോഹൻ, സി.എസ്.മോഹനൻ, സി.ജി. ബാലചന്ദ്രൻ, പി.കെ. മോഹനൻ,സി. കെ. പങ്കജാക്ഷൻ എന്നിവർ പ്രസംഗിക്കും.
ഉച്ചകഴിഞ്ഞ് 2 ന് പ്രാർത്ഥനാലയത്തിൻ്റെ ഉദ്ഘാടനം ശ്രീ നാരായണ ധർമ്മസംഘം ട്രസ്റ്റ് സെക്രട്ടറി സ്വാമി ശുഭാംഗാനന്ദ നിർവ്വഹിക്കും. കെ.കെ.ജനാർദ്ദനൻ്റെ അദ്ധ്യക്ഷതയിൽ ചേരുന്ന സമ്മേളനത്തിൽ ഗുരുധർമ്മ പ്രചാരണ സഭാ സെക്രട്ടറി സ്വാമി അസംഗാനന്ദഗിരി മുഖ്യപ്രഭാഷണം നടത്തും. കെ.കെ.ജനാർദ്ദനൻ പി.കെ. മോഹനൻ, പി.എം. മധുസൂദനൻ എന്നിവരെ സമ്മേളനത്തിൽ ആദരിക്കും. തുടർന്ന് ജനാർദ്ദനൻ കൊച്ചാനിമൂട്ടിൽ ആധാര സമർപ്പണം നടത്തും. ജ്യോതിസ് മോഹൻ ഐ. ആർ.എസ്. , സഭാ രജിസ്ട്രാർ പി.എം. മധു, ശിവഗിരി പി.ആർ.ഓ . ഇ.എം. സോമനാഥൻ, സഭ ജില്ലാ പ്രസിഡൻ്റ് സോഫി വാസുദേവൻ, പി. കമലാസനൻ, ബിജു അടിമാലി ,കെ.കെ.സരളപ്പൻ, സത്യൻ പന്തത്തല, പൂഞ്ഞാർ എസ്.എൻ.ഡി.പി. ശാഖായോഗം പ്രസിഡൻ്റ് എം.ആർ. ഉല്ലാസ് , സെക്രട്ടറി വിനു വേലംപറമ്പിൽ അനിരുദ്ധൻ മുട്ടുപുറം, പി.കെ. രാജപ്പൻ, പി.എം. മധുസൂദനൻ എന്നിവർ പ്രസംഗിക്കും.
