Kerala
ഷൂട്ടിംഗിനിടെ തമിഴ് നടൻ അജിത്ത് കുമാർ അപകടത്തിൽപ്പെട്ടു
ഷൂട്ടിംഗിനിടെ തമിഴ് നടൻ അജിത്ത് കുമാർ അപകടത്തിൽപ്പെട്ടു.സിനിമാ ചിത്രീകരണത്തിനിടെ തമിഴ് നടൻ അജിത്ത് കുമാർ ഓടിച്ചിരുന്ന കാർ തലകീഴായി മറിഞ്ഞു.വിടാമുയർച്ചി’ എന്ന സിനിമയുടെ ഷൂട്ടിംങിനിടയിലാണ് സംഭവമെന്നാണ് റിപ്പോർട്ടുകൾ.
തലനാരിഴയ്ക്കാണ് ഞങ്ങൾ രക്ഷപ്പെട്ടത്, ദൈവത്തിന് നന്ദി’, എന്ന് ക്യാപ്ഷനോടെ അജിത്തിനൊപ്പം ഉണ്ടായിരുന്ന സഹതാരം ആരവാണ് വീഡിയോ പങ്കുവച്ചത്.അജിത്തും, ആരവും ചേർന്നുള്ള മരുഭൂമിയിൽ ഉള്ള ചേസിംഗ് രംഗത്തിനിടയിലായിരുന്നു അപകടം.
അപകടത്തിൻ്റെ കാറിനുള്ളിലെയും, പുറത്തേയും ദൃശ്യങ്ങൾ സോഷ്യൽ മീഡിയയിൽ പ്രചരിക്കുകയാണ്.ലെെക്ക പ്രൊഡക്ഷൻസാണ് ‘വിടാമുയർച്ചി’ നിർമിക്കുന്നത്.