Kerala
കൈബലം ഗുസ്തിക്കാർക്ക്‌ മാത്രമല്ല എനിക്കുമുണ്ട്;ദേശീയ പഞ്ചഗുസ്തി ചാമ്പ്യനോട് പഞ്ച പിടിച്ച് ഫ്രാൻസിസ് ജോർജ്
ദേശീയ പഞ്ചഗുസ്തി മത്സരത്തിൽ സ്വർണമെഡൽ നേടിയ രാജേഷ് പി കൈമളെ കോട്ടയം പാർലമെൻ്റ് മണ്ഡലം യുഡിഎഫ് സ്ഥാനാർത്ഥി ഫ്രാൻസിസ് ജോർജും, യുഡിഎഫ് കോട്ടയം ജില്ലാ ചെയർമാൻ സജി മഞ്ഞക്കടമ്പിലും അദ്ദേഹത്തിന്റെ വീട്ടിലെത്തി അനുമോദിച്ചു.
രാജേഷ് കൈമൾ യുവതലമുറയുടെ ആവേശമാണെന്നും കായിക രംഗത്തു നിന്നും കലാരംഗത്തു നിന്നും ചെറുപ്പക്കാർ മാറി നിൽക്കുന്ന അവസരത്തിൽ ചെറുപ്പക്കാരെ കായിക രംഗത്തേക്ക് ആകർഷിക്കുവാൻ രാജേഷിന്റെ ഈ നേട്ടത്തിന് സാധിക്കട്ടെയെന്നും, കൂടുതൽ ഉന്നതമായ വിജയം കരസ്ഥമാക്കുവാൻ രാജേഷിന് സാധിക്കട്ടെയെന്നും ഫ്രാൻസിസ് ജോർജ് അശംസിച്ചു.
കേരള കോൺഗ്രസ് നെച്ചിപ്പുഴൂർ വാർഡ് പ്രസിഡണ്ട് ഷാജി മാവേലിൽ, യൂത്ത് ഫ്രണ്ട് പാല നിയോജകമണ്ഡലം സെക്രട്ടറി ജസ്റ്റിൻ പാറപ്പുറത്ത്, ഹരികൃഷ്ണ കൈമൾ, രാജേഷിന്റെ കുടുംബാംഗങ്ങൾ തുടങ്ങിയവരും ചടങ്ങിൽ പങ്കെടുത്തു. അനുമോദന ചടങ്ങിനു ശേഷം രാജേഷ് കൈമളുമായി യുഡിഎഫ് സ്ഥാനാർത്ഥി ഫ്രാൻസിസ് ജോർജ് പഞ്ചഗുസ്തി പിടിച്ചു.