Kerala
കുരിശു വരയ്ക്കാനും വോട്ടുചെയ്യാനും മാത്രമല്ല ക്രൈസ്തവർ കൈ വിരലുയർത്തുന്നതെന്നോർക്കണം : ഡാന്റീസ് കൂനാനിക്കൽ
പാലാ :കുരിശു വരയ്ക്കാനും വോട്ടുചെയ്യാനും മാത്രമല്ല ക്രൈസ്തവർ കൈ വിരലുയർത്തുന്നതെന്നോർക്കണം : ഡാന്റീസ് കൂനാനിക്കൽ . പാലാ: കുരിശു വരയ്ക്കുന്നതിനും വോട്ടുചെയ്യുന്നതിനും മാത്രമല്ല ക്രൈസ്തവർ കൈവിരലുയർത്തുന്നതെന്ന് ക്രൈസ്തവ സ്ഥാപനങ്ങളിലും കാമ്പസുകളിലും അതിക്രമിച്ചു കടന്ന് സമുദായത്തിന് ഭീഷണി ഉയർത്തുന്ന സാമൂഹിക വിരുദ്ധർ തിരിച്ചറിയണമെന്ന് പാലാ രൂപതാപാസ്റ്ററൽ കൗൺസിൽ സാമൂഹ്യക്ഷേമ വിഭാഗം സമിതി ചെയർമാൻ ഡാന്റീസ് കൂനാനിക്കൽ അഭിപ്രായപ്പെട്ടു.
സഹിഷ്ണുതയുടയും സഹനത്തിന്റെയും പാഠമുൾക്കൊണ്ട ക്രൈസ്തവ സമൂഹത്തെ അധിക്ഷേപിക്കാനൊരുങ്ങുന്നവർക്ക് ചുട്ടമറുപടി കൊടുക്കാനുള്ള കരുത്ത് സഭാമക്കളായ അത്മായർക്കുള്ള കാര്യം ആരും മറക്കരുത്. പൂഞ്ഞാർ സംഭവത്തിന്റെ പശ്ചാതലത്തിൽ സഭാ സ്ഥാപനങ്ങളിലും കാമ്പസുകളിലും അനധികൃത കൈയ്യേറ്റങ്ങളും നുഴഞ്ഞുകയറ്റങ്ങളും സംബന്ധിച്ച് കൂടുതൽ ജാഗ്രതാപൂർണ്ണമായ ഇടപെടലും നിയമ പരിരക്ഷയും ഉറപ്പു വരുത്തേണ്ടതുണ്ട്.
കുറ്റവാളികളെ ഉടൻ പിടികൂടുവാനും കുറ്റകൃത്യങ്ങൾ ആവർത്തിക്കപ്പെടാതിരിക്കാനുമുള്ള അടിയന്തിര നടപടികൾ പോലീസ് അധികൃതരുടെ ഭാഗത്തു നിന്നുണ്ടാവണമെന്നും പാലാ രൂപതാ സോഷ്യൽ വെൽഫെയർ സൊസൈറ്റിയുടെ പപ്ലിക്ക് റിലേഷൻസ് ഓഫീസർ കൂടിയായ ഡാന്റീസ് കൂനാനിക്കൽ പറഞ്ഞു.