പാലാ:പാലാ നഗരസഭയിൽ രണ്ടാഴ്ചയായി എയർ പോഡ് വിവാദം കത്തി കയറി;സമൂഹ മാധ്യമങ്ങളിലും,ചാനലുകളിലും ചർച്ചാ വിഷയമാകുമ്പോൾ ആരും ശ്രദ്ധിക്കാത്ത വിഷയങ്ങൾ പാലാക്കാരുടെ ഉറക്കം കെടുത്താൻ പോവുകയാണ്.
![](https://www.kottayammedia.com/wp-content/uploads/2024/08/achayans-gold-27-8-24.jpg)
ഇക്കഴിഞ്ഞ ദിവസങ്ങളിൽ പാലാ നഗരത്തിൽ കാട്ടുപന്നിയുടെ വിളയാട്ടമാണ് നടന്നത്.ഏറെ വലിപ്പമില്ലാത്തവ ആയതിനാൽ ആക്രമ സ്വഭാവം കാണിച്ചില്ല എന്ന് മാത്രം.കിഴതടിയൂർ പള്ളിയുടെ സമീപത്തും.പാലാ മിൽക്ബാർ ഹോട്ടലിന്റെ മുൻപിലുമായിട്ടാണ് കാട്ടുപന്നികളെ നാട്ടുകാർ കണ്ടത്.ആദ്യം പട്ടി എന്ന് വിചാരിച്ചെങ്കിലും അടുത്ത് കണ്ടപ്പോഴാണ് കാട്ടുപന്നിയെന്ന് തിരിച്ചറിഞ്ഞത് .
കൂട്ടമായാണ് ഇവ സഞ്ചരിക്കുന്നത്.ഈയിടെ കരൂർ പഞ്ചായത്തിന്റെ വിവിധ ഭാഗങ്ങളിൽ കാട്ടുപന്നി ശല്യം രൂക്ഷമായിരുന്നു.തോട്ടിലൂടെ നഗര ഭാഗങ്ങളിൽ എത്തിയതായാണ് കരുതുന്നത്.നഗരസഭാ ഉടനടി ജനങ്ങളുടെ ജീവനും സ്വത്തിനും സംരക്ഷണം നൽകുവാൻ സത്വര നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെട്ടു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)