Kerala
ഓടുന്ന ബസിൽ നിന്ന് വീട്ടമ്മ തെറിച്ചു വീണ സംഭവത്തിൽ;പാലാ ഏറ്റുമാനൂർ റൂട്ടിൽ സർവീസ് നടത്തുന്ന പാലാക്കാട്ട് മോട്ടോഴ്സിന്റെ ബസിന്റെ ഫിറ്റ്നസും പെർമിറ്റും കോട്ടയം ആർടിഒ റദ്ദാക്കി
കോട്ടയം: ഓടുന്ന ബസിൽ നിന്ന് വീട്ടമ്മ തെറിച്ചു വീണ സംഭവത്തിൽ നടപടിയുമായി മോട്ടോർ വാഹന വകുപ്പ്. അപകടമുണ്ടാക്കിയ സ്വകാര്യ ബസിന്റെ ഫിറ്റ്നസും പെർമിറ്റും കോട്ടയം ആർടിഒ റദ്ദാക്കി.
പാലാ ഏറ്റുമാനൂർ റൂട്ടിൽ സർവീസ് നടത്തുന്ന പാലാക്കാട്ട് മോട്ടോഴ്സിന്റെ ബസിനെതിരെയാണ് നടപടി. ഇന്നലെ രാവിലെയാണ് ബസിൽ നിന്ന് മാന്നാനം സ്വദേശിനിയായ വീട്ടമ്മ തെറിച്ചു വീണത്. ബസ്സിന്റെ ഡ്രൈവർക്കും കണ്ടക്ടർക്കുമെതിരെയും നടപടി ഉണ്ടായേക്കും. ആർടിഒയ്ക്ക് മുമ്പിൽ നേരിട്ട് ഹാജരായി അപകടകാരണം ബോധ്യപ്പെടുത്താൻ ഇരുവർക്കും നോട്ടീസ് നൽകിയിട്ടുണ്ട്.