Kerala
കള്ള് ഷാപ്പിനു മുന്നിലെ വാക്കു തർക്കത്തെ തുടർന്ന് ഒരാൾ കുത്തേറ്റ് മരിച്ചു
കുമരകം :ഷാപ്പിനുമുന്നിൽ വാക്കുതർക്കത്തെ തുടർന്നുണ്ടായ കത്തിക്കുത്തിൽ വയോധികൻ മരിച്ചു. പ്രദേശത്തെ മീൻപിടുത്തക്കാരനായ ഇല്ലിക്കൽ പ്ലാത്തറ റെജിയാണ് മരിച്ചത്.സംഭവവുമായി ബന്ധപ്പെട്ട് പ്രദേശത്ത് അലഞ്ഞുതിരിഞ്ഞ് നടക്കുന്ന മധ്യവയസ്കനെ പൊലീസ് കസ്റ്റഡിയിൽ എടുത്തു.തിങ്കളാഴ്ച രാത്രി ഒമ്പതോടെയായിരുന്നു സംഭവം.
ഇല്ലിക്കൽ ഷാപ്പിന് മുമ്പിൽ ഇരുവരും തമ്മിൽ വാക്കുതർക്കം ഉണ്ടാവുകയും പ്രതിയുടെ കൈയിലുണ്ടായിരുന്ന കത്തികൊണ്ട് റെജിക്ക് കുത്തേൽക്കുകയുമായിരുന്നു. കുത്ത് കൊണ്ട റെജി പതിനഞ്ച് മിനിറ്റോളം വീണുകിടന്നു. ഓടിക്കൂടിയ നാട്ടുകാർ ആംബുലൻസ് വിളിച്ച് മെഡിക്കൽ കോളജിലേക്ക് എത്തിച്ചെങ്കിലും വഴിമധ്യേ മരണം സംഭവിക്കുകയായിരുന്നു.