കായംകുളത്തും കരീലക്കുളങ്ങരയിലും കഞ്ചാവും ഹെറോയിനുമായി രണ്ട് യുവാക്കൾ പിടിയിൽ.കായംകുളം പെരിങ്ങാല അൽത്താഫ് മനസിൽ അൽത്താഫ്(18), പശ്ചിമബംഗാൾ പരനാഗ് സ്വദേശി മുഹമ്മദ് മിറാജുൾ ഹഖ്(28) എന്നിവരെയാണ് ആലപ്പുഴ ജില്ലാ ലഹരി വിരുദ്ധ സ്ക്വാഡും കായംകുളം കരീലക്കുളങ്ങര പോലീസും ചേർന്ന് പിടികൂടിയത്.
അൽത്താഫിൽ നിന്ന് 1.400 കിലോഗ്രാം കഞ്ചാവും മുഹമ്മദ് മിറാജുൽ ഹഖിൽ നിന്ന് 31ഗ്രാം ഹെറോയിനും പിടിച്ചെടുത്തു.അൽത്താഫിനെ രണ്ടാംകുറ്റി ഇടിയോടിക്കാവ് ക്ഷേത്രത്തിന് സമീപത്ത് നിന്നാണ് പിടികൂടിയത്.വൻ തോതിൽ ഹെറോയിൻ കൊണ്ടുവന്ന് ഇതരസംസ്ഥാന തൊഴിലാളികൾക്ക് ഇടയിൽ മാത്രം കച്ചവടം നടത്തുന്നതാണ് മുഹമ്മദ് മിറാജുൽ ഹഖിന്റെ രീതി.
