Kerala
ഭാര്യയ്ക്ക് കാമുകൾ ; ഉടൻ തന്നെ വിവാഹം നടത്തികൊടുത്ത് യുവാവ്
ഭാര്യയ്ക്ക് മറ്റൊരാളോട് പ്രണയം തോന്നിയതോടെ വിവാഹം നടത്തിക്കൊടുത്ത് യുവാവ്.പന്ത്രണ്ട് വര്‍ഷത്തെ ദാമ്പത്യത്തിനിടെ യുവതിക്ക് മറ്റൊരാളോട് പ്രണയം തോന്നി. ഇത് മനസിലാക്കിയ യുവാവ് വിവാഹം നടത്തിക്കൊടുക്കുകയായിരുന്നു.ബിഹാറിലെ സഹര്‍സയിലാണ് സംഭവം നടന്നിരിക്കുന്നത്.പ്രണയിച്ച് വിവാഹിതരായവരായിരുന്നു ഇരുവരും. 12 കൊല്ലം ഇരുവരും ഒരുമിച്ച് ജീവിച്ചു. ഇവര്‍ക്ക് മൂന്ന് കുട്ടികളുണ്ട്. ഈ ബന്ധം നിലനില്‍ക്കെ യുവതി മറ്റൊരാളുമായി പ്രണയത്തിലായി. യുവതി പ്രണയിച്ച യുവാവ് വിവാഹിതനും രണ്ട് കുട്ടികളുടെ പിതാവുമായിരുന്നു.
ഭാര്യക്ക് മറ്റൊരാളുമായി ബന്ധമുണ്ടെന്ന് തിരിച്ചറിഞ്ഞ ഭര്‍ത്താവ് ബന്ധം പിരിയാന്‍ തീരുമാനിച്ചു. തുടര്‍ന്ന് ഇവര്‍ വിവാഹമോചിതരായി. ഇതിന് ശേഷമാണ് യുവാവ് മുന്‍ ഭാര്യയെ കാമുകന് വിവാഹം കഴിച്ചുനല്‍കിയത്. വിവാഹച്ചടങ്ങുകളുടെ വീഡിയോ സോഷ്യല്‍ മീഡിയയില്‍ വൈറലായി.