പാലാ രൂപത 42-ാമത് കൃപാഭിഷേകം ബൈബിള്‍ കണ്‍വെന്‍ഷന്റെ വിജയത്തിനായുള്ള ജെറിക്കോ പ്രാർത്ഥന ഇന്ന് (01-12-2024, ഞായർ) വൈകുന്നേരം പാലാ സെന്റ് തോമസ് കോളേജ് ഗ്രൗണ്ടില്‍ ആരംഭിക്കും.
ഡിസംബർ 01 മുതൽ 18 വരെ നടക്കുന്ന പ്രാർത്ഥനകൾക്ക് രൂപതയിലെ വിവിധ ഫൊറോനകളിൽ നിന്നുള്ള ഇടവക പ്രാർത്ഥനാഗ്രൂപ്പുകൾ നേതൃത്വം വഹിക്കും. എല്ലാ ദിവസവും വൈകിട്ട് 5 മണിക്ക് ജപമാലയോടെ ആരംഭിക്കും. കൺവൻഷൻ നടക്കുന്ന സെൻ്റ്.തോമസ് കോളജ് ഗ്രൗണ്ടിന് ചുറ്റുമായി ജപമാല ചൊല്ലി കൺവൻഷൻ സംബന്ധിച്ചുള്ള എല്ലാ പ്രവർത്തനങ്ങളെയും പരിശുദ്ധ അമ്മ വഴി ദൈവത്തിനു സമർപ്പിക്കുന്ന മനോഹരമായ ഒരു ആത്മീയ വിരുന്നാണ് ജറിക്കോ പ്രാർത്ഥന. ഒക്ടോബർ 01 മുതൽ നടക്കുന്ന മധ്യസ്ഥപ്രാർത്ഥന ഇപ്പോഴും തുടരുന്നുണ്ട്.
മോണ്‍. സെബാസ്റ്റ്യന്‍ വേത്താനത്ത്, അരുണാപുരം ഇടവക വികാരി ഫാ. മാത്യു പുല്ലുകാലായിൽ, രൂപത
ഇവാഞ്ചലൈസേഷന്‍ ഡയറക്ടര്‍ ഫാ. ജേക്കബ് വെള്ളമരുതുങ്കൽ, രൂപത ഇവാഞ്ചലൈസേഷന്‍ അസിസ്റ്റൻ്റ് ഡയറക്ടർ ഫാ. ആൽബിൻ പുതുപ്പറമ്പിൽ, വിവിധ ഇടവകകളിൽ നിന്നുള്ള വൈദികർ, സന്യാസിനികൾ, അല്മായ സഹോദരങ്ങൾ, യുവതിയുവാക്കൾ കുട്ടികൾ, രൂപതയിലെ കരിസ്മാറ്റിക്, ഇവാഞ്ചലൈസേഷൻ, കുടുംബക്കൂട്ടായ്മ, YU4C ടീം അംഗങ്ങൾ, ബൈബിൾ കൺവൻഷൻ വോളണ്ടിയേഴ്‌സ്, എന്നിവർ പ്രാർത്ഥനയിൽ പങ്കെടുക്കും. ബ്ര.തോമാച്ചൻ ഇലപ്പത്തിനാൽ, ബ്ര.മാത്തുക്കുട്ടി താന്നിക്കൽ, ബ്ര.ബിനു വാഴെപറമ്പിൽ, ബ്ര.റോഷി മൈലക്കചാലിൽ തുടങ്ങിയവരോടൊപ്പം അതാത് ഫോറോനയിലെ പ്രാർത്ഥനകൂട്ടായ്മ ഭാരവാഹികൾ ശുശ്രൂഷകൾക്ക് നേതൃത്വം നൽകും.
ഓരോ ദിവസത്തെയും പ്രാർത്ഥനകളുടെ ക്രമം.
Dec 1: പാലാ A
Dec 2: അരുവിത്തുറ
Dec 3: ഭരണങ്ങാനം
Dec 4: ചേർപ്പുങ്കൽ
Dec 5: ഇലഞ്ഞി
Dec 6: കടനാട്
Dec 7: കടുത്തുരുത്തി
Dec 8: കൂട്ടിക്കൽ
Dec 9: കുറവിലങ്ങാട്
Dec 10: കോതനല്ലൂർ
Dec 11: മൂലമറ്റം
Dec 12: മുട്ടുചിറ
Dec 13: പ്രവിത്താനം
Dec 14: പൂഞ്ഞാർ
Dec 15: രാമപുരം
Dec 16: തിക്കോയ്
Dec 17: തുടങ്ങനാട്
Dec 18: പാലാ B.
ഏവരെയും പ്രാർത്ഥനാപൂർവ്വം സ്വാഗതം ചെയ്യുന്നു.
