Kerala
വഴിയിൽ മുഴുവൻ ഓയിൽ;ഇരുചക്ര വാഹനങ്ങൾ അപകടത്തിൽപെട്ടപ്പോൾ ഫയർ ഫോഴ്സ് എത്തി മരപ്പൊടി വിതറി അപകടം ഒഴിവാക്കി
തൊടുപുഴ – പാലാ റൂട്ടിൽ നടുക്കണ്ടം മുതൽ നെല്ലാപ്പാറ വരെ വിവിധ സ്ഥലങ്ങളിൽ റോഡിൽ ഓയിൽ വീണ് നിരവധി ഇരുചക്ര വാഹനയാത്രക്കാർ അപകടത്തിൽപ്പെട്ടു. വ്യാഴാഴ്ച ഉച്ചയ്ക്ക് 2 മണിയോടെ ആയിരുന്നു സംഭവം.
സംഭവം ശ്രദ്ധയിൽപ്പെട്ട നാട്ടുകാർ വിവരം അഗ്നി രക്ഷാ സേനയെ അറിയിച്ചു. തൊടുപുഴയിൽ നിന്നും സേന എത്തി ഓയിൽ വീണ ഇടങ്ങളിൽ മരപ്പൊടി വിതറി അപകടാവസ്ഥ ഒഴിവാക്കി.