Kerala
ടോബി തൈപ്പറമ്പിൽ യൂത്ത് ഫ്രണ്ട് (എം) സംസ്ഥാന ജനറൽ സെക്രട്ടറി
കോട്ടയം :_കെ എസ് സി എം മുൻ സംസ്ഥാന പ്രസിഡണ്ട് ടോബി തൈപ്പറമ്പിലിനെ യൂത്ത് ഫ്രണ്ട് (എം) സംസ്ഥാന ജനറൽ സെക്രട്ടറിയായി സംസ്ഥാന പ്രസിഡൻറ് സിറിയക് ചാഴിക്കാടൻ നോമിനേറ്റ് ചെയ്തു.കേരള കോൺഗ്രസ് എം ചെയർമാൻ ജോസ് കെ മാണിയുടെ നിർദ്ദേശാനുസരണമാണ് നടപടി. നിലവിൽ
യൂത്ത് ഫ്രണ്ട് (എം) സംസ്ഥാന സെക്രട്ടറിയേറ്റംഗമായി പ്രവർത്തിച്ച വരികയായിരുന്നു.
വിദ്യാർത്ഥി സംഘടനാ പ്രവർത്തന കാലഘട്ടങ്ങളിൽ നിരവധി വിദ്യാർത്ഥി അവകാശ പോരാട്ടങ്ങളിൽ ക്രിയാത്മകമായ ഇടപെടൽ നടത്തുകയും നിരവധി സമരങ്ങൾക്കും പ്രതിഷേധ പരിപടികൾക്കും നേതൃത്വം നൽകുകയും ചെയ്യിതിട്ടുണ്ട്.
കെ എസ് സി എം കോട്ടയം ജില്ലാ ഓഫീസ് ചാർജ്ജ് ജനറൽ സെക്രട്ടറി, ജില്ലാ പ്രസിഡൻ്റ് എന്നി പദവികൾ വഹിച്ചിട്ടുണ്ട്. പാലാ ഇടമറ്റം സ്വദേശിയായ ടോബി പൊളിറ്റിക്കൻ സയൻസിൽ ബിരുദാനന്തര ബിരുദവും എം.എഡും വിദ്യാഭ്യാസ യോഗ്യതകൾ നേടിയിട്ടുണ്ട്.