Kerala
വർണ്ണശബളമായ ശിശുദിന റാലി ഒരുക്കി പാലാ സെൻ്റ് മേരീസ് എൽ.പി.സ്കൂൾ
പാലാ: ശിശുദിനാഘോഷം വർണ്ണ ശബളമായ റാലി അണിയിച്ചൊരുക്കി കാഴ്ചക്കാർക്ക് നവ്യാനുഭവമൊരുക്കി പാലാ സെൻ്റ് മേരീസ് എൽ.പി. സ്കൂൾ. നൂറു കണക്കിന് കൊച്ചു ചാച്ചാജിമാരും ഭാരതാംബയും മഹാത്മാ ഗാന്ധിയും ഇന്ദിരാഗാന്ധിയും റാലിക്ക് പ്രൗഢിയേകി. വർണ്ണ ബലൂണുകളും ദേശസ്നേഹ പ്ള കാർഡുകളും റാലിക്ക് മിഴിവേകി. പാലാ ട്രാഫിക് എസ്.ഐ സുരേഷ് കുമാർ ബി. റാലി ഫ്ളാഗ് ഓഫ് ചെയ്തു.
ഹെഡ്മിസ്ട്രസ് സി. ലിൻസി ജെ .ചീരാംകുഴി അധ്യക്ഷത വഹിച്ചു. പി.റ്റി.എ പ്രസിഡൻ്റ് ജോഷിബ ജയിംസ് അധ്യാപകരായ ബിൻസി സെബാസ്റ്റ്യൻ, സി.ലിജി ,ലീജാ മാത്യു, മാഗി ആൻഡ്രൂസ്, സി. ഡോണ, സി.ജെസ്സിൻ, സി.ജെസ്സ് മരിയ, ലിജോ ആനിത്തോട്ടം, കാവ്യാ മാണി, ജോളി മോൾ തോമസ് ,സി. മരിയ റോസ്, അനു മെറിൻ അഗസ്റ്റിൻ,ജോയ്സ് മേരി ജോയി, ഹൈമി ബാബു. അലൻ ടോം, ജോസ്ന ആൻറ്റോ എന്നിവർ പ്രസംഗിച്ചു.