പാലാ: അന്തരിച്ച മുൻ പാലാ മുൻസിപ്പൽ ചെയർമാന് ആയിരങ്ങൾ അന്ത്യാഞ്ജലി അർപ്പിച്ചു.രാവിലെ 9.30 ന് വസതിയിലെ പ്രാർത്ഥനാ ശുശ്രൂഷകൾക്ക് പാലാ ബിഷപ്പ് ജോസഫ് കല്ലറങ്ങാട്ട് നേതൃത്വം നൽകി.
തുടർന്ന് ആയിരങ്ങൾ വിലാപയാത്രയിൽ പങ്കെടുത്തു.സംസ്ക്കാര ശുശ്രൂഷകൾക്ക് ശേഷം നടന്ന അനുശോചന യോഗത്തിൽ മന്ത്രി റോഷി അഗസ്റ്റിൻ തനിക്ക് ബാബു മണർകാട് നൽകിയ വിലപ്പെട്ട ഉപദേശം ഓർത്തെടുത്തു.
കെ.എസ് സി യുടെ സാധാരണ പ്രവർത്തകനായിരുന്നപ്പോൾ എന്നും കാണാറുണ്ടായിരുന്നു. ഒരു ദിവസം ബാബു ചേട്ടൻ എന്നെ അടുത്തു വിളിച്ചു ചോദിച്ചു. ആരാ, ഏതാ ,പാർട്ടിയിലെ സ്ഥാനം കെ.എസ്.സി യുടെ യൂണിറ്റ് സെക്രട്ടറിയാണെന്ന് പറഞ്ഞപ്പോൾ ബാബു ചേട്ടൻ പറഞ്ഞു. നീ ഒരിക്കലും കെ.എം മാണിയെ വിട്ട് പോകരുത്.രാഷ്ട്രീയത്തിൽ വിരുദ്ധ ധൃവങ്ങളിൽ ആയിരുന്നെങ്കിലും ആ ഉപദേശം ഞാൻ എന്നും ഓർത്ത് വെച്ചു.പാലാ നഗരസഭയ്ക്ക് ഇദ്ദേഹം ചെയർമാൻ ആയിരുന്നപ്പോൾ ഉണ്ടായ വികസനം എടുത്ത് പറയേണ്ടതായിരുന്നെന്നും റോഷി അഗസ്റ്റിൻ കൂട്ടി ചേർത്തു.
മോൻസ് ജോസഫ് എം.എൽ.എ ,മാണി സി കാപ്പൻ എം.എൽ.എ ,തിരുവഞ്ചൂർ രാധാകൃഷ്ണൻ എം.എൽ.എ, കെ. ഫ്രാൻസിസ് ജോർജ് എം.പി ,ജോയി അബ്രാഹം , ടോമി കല്ലാനി , ജോസഫ് വാഴക്കൻ ,അഡ്വ:തോമസ് വി ടി,കുര്യാക്കോസ് പടവൻ ;ബെന്നി മൈലാടൂർ ;പീറ്റർ പന്തലാനി തുടങ്ങിയവർ പ്രസംഗിച്ചു .സന്തോഷ് മണർകാട് സ്വാഗതവും ,ജോസുകുട്ടി പൂവേലി കൃതജ്ഞതയും അർപ്പിച്ചു.
