കോട്ടയം :വെള്ളികുളം : വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡൽ കരസ്ഥമാക്കിയ വെള്ളികുളം സെൻ്റ് ആൻ്റണീസ് ഹൈസ്കൂളിലെ പൂർവ്വ വിദ്യാർത്ഥിയും ഇപ്പോൾ പി റ്റി എ പ്രസിഡൻ്റും ആയിരിക്കുന്ന ആൻ്റണി കെ ജെ യ്ക്ക് സ്കൂൾ ഹാളിൽ സ്വീകരണം നൽകി.
സ്കൂൾ മാനേജർ റവ.ഫാ.മൈക്കിൾ വടക്കേക്കര അധ്യക്ഷത വഹിച്ച യോഗത്തിൽ ഹെഡ്മാസ്റ്റർ ജോ സെബാസ്റ്റ്യൻ സ്വാഗതം ആശംസിച്ചു.അവാർഡ് ജേതാവ് ആൻറണി കെ ജെ യെ ഫാ.മൈക്കിൾ വടക്കേക്കര പൊന്നാടയണിയച്ച് ആദരിച്ചു.
വിദ്യാർത്ഥി പ്രതിനിധി ജീനാ വിൽസൺ ആശംസകൾ നേർന്നു. സ്കൂൾ ലീഡർ അനാമിക കുശൻ യോഗത്തിന് നന്ദി പറഞ്ഞു. തനിക്ക് ലഭിച്ച അവാർഡ് എല്ലാ കുട്ടികൾക്കും പ്രചോദനമായി തീരട്ടെയെന്ന് ആൻ്റണി കെ ജെ മറുപടി പ്രസംഗത്തിൽ ആശംസിച്ചു. ഉപജില്ല ശാസ്ത്രമേളയിൽ ഉന്നത വിജയം നേടിയ കുട്ടികൾക്ക് സർട്ടിഫിക്കേറ്റും സമ്മാനങ്ങളും വിതരണം ചെയ്തു. സ്കൂളിലെ മുഴുവൻ കുട്ടികൾക്കും ആൻ്റണി കെ.ജെ മധുര പലഹാരങ്ങൾ നൽകി.
