പാലാ സെന്റ് തോമസ് കോളേജിൽ കായിക വകുപ്പിന്റെ നേതൃത്വത്തിൽ കോളേജിലെ വിദ്യാർത്ഥികൾക്കായി ഇന്റർ ഡിപ്പാർട്ട്മെന്റ് കയാക്കിംഗ് മത്സരപരമ്പര നടത്തുന്നു. കോളേജിലെ ഇന്റഗേറ്റ്ഡ് സ്പോർട്സ് കോംപ്ലക്സിലെ സിമ്മിംഗ് പൂളിലാണ് നാളെ വൈകുന്നേരം 4 മണിക്ക് മത്സരപരമ്പരകൾ ആരംഭിക്കുന്നത്.
ചൊവ്വ ബുധൻ ദിവസങ്ങളിലായി നടക്കുന്ന മത്സരങ്ങളിൽ കോളേജിലെ 200ലധികം പുരുഷ വനിത വിദ്യാർത്ഥികൾ പങ്കെടുക്കുന്നുണ്ട്. ഇന്ത്യയിൽ തന്നെ ആദ്യമായിട്ടാണ് ഒരു കോളേജിൽ കയാക്കിംഗ് മത്സരങ്ങൾ കുട്ടികൾക്കായി നടത്തുന്നത്. നിലവിൽ കോളേജിലെ വിദ്യാർത്ഥികൾക്കായി ഫുട്ബോൾ ക്രിക്കറ്റ് ബാഡ്മിന്റൺ തുടങ്ങിയ ഇനങ്ങളിൽ ഡിപ്പാർട്ട്മെന്റ് മത്സരപരമ്പരകൾ നടന്നു വരുന്നുണ്ട്.
ചിത്രം :പ്രതീകാത്മകം
